మరీ ఇంత దిగజారుడుతనం వద్దు: కామెడీషోపై విమర్శలు, రేటింగ్స్ డౌన్...

సల్మాన్ ఖాన్‌కు ఫిర్యాదు

కపిల్ శర్మ హోస్ట్ చేస్తున్న ఈ షోకు బాలీవుడ్ స్టార్ సల్మాన్ ఖాన్ సహ నిర్మాతగా వ్యవహరిస్తున్నారు. కపిల్ శర్మ షోను స్క్రిప్టు ప్రకారం కాకుండా తన ఇష్టం వచ్చినట్లు నడిపిస్తుండటంతో నిర్వాహకులు ఈ విషయమై సల్మాన్ ఖాన్‌కు ఫిర్యాదు చేసేందుకు సిద్ధమవుతున్నారట.

కేన్సర్ పేషెంటు మీద జోకులా? దిగజారుడు తనమే...

మరో ఎపిసోడ్లో కపిల్ శర్మ, కృష్ణ అభిషేక్ కలిసి... 2009లో నోటి కేన్సర్‌తో మరణించిన యాంటీ టొబాకో కాంపెయిన్లో పాల్గొన్న ముఖేష్ హరానె మీద జోకులు వేయడం కూడా ఈ షో ఇబ్బందుల్లో పడేలా చేసింది. ఇలా చేయడం దిగజారుడు తనమే అంటూ పలువురు నెటిజన్లు ట్వీట్లతో విరుచుకుపడ్డారు.

ఆరోగ్యకరమైన కామెడీ లోపించింది

కపిల్ శర్మ షోలో ఆరోగ్యకరమైన కామెడీ లోపించిందని, ఫ్యామిలీతో కలిసి ఈ షో చూసే ప్రేక్షకులు ఇబ్బంది ఫీలయ్యే విధంగా జోక్స్ ఉంటున్నాయని పలువురు విమర్శిస్తున్నారు. ఈ షోకు ఆదరణ తగ్గడాకి ఇవన్నీ కారణం అవుతున్నాయనే అభిప్రాయాలు వ్యక్తం అవుతున్నాయి.

తగిన చర్యలు

కపిల్ శర్మ షో మీద ఆడియన్స్ నుంచి ఫీడ్ బ్యాక్ తీసుకున్న నిర్వాహకులు... తగిన చర్యలు తీసుకునేందుకు సిద్ధమవుతున్నారు. ఆరోగ్యకరమైన కామెడీతో షోను రక్తికట్టించి టీఆర్పీ రేటింగ్స్ పెంచే ప్రయత్నంలో ఉన్నారట.