టార్చర్ పెట్టాడు, ఒకే కులం కాదు, నా కూతురు చావుకు కారణం అతడే: టీవీ నటి ఝాన్సీ తల్లి

ఆరు నెలల క్రితమే పరిచయం అయ్యాడు

నాని అనే అబ్బాయితో మా అమ్మాయికి పరిచయమై ఆరునెలలు అయింది. అతడిది విజయవాడ. మధు అనే మరో సీరియల్ నటి ద్వారా పరిచయం అయ్యాడు. మూడు నెలల క్రితమే పెళ్లి చేసుకుంటానని చెప్పాడు. వాళ్ల ఇంటికి కూడా తీసుకెళ్లాడు. ఇంట్లో వారిని ఒప్పించి పండగ వెళ్లాక పెళ్లి చేసుకుంటానని నమ్మించాడని ఝాన్సీ తల్లి తెలిపారు.

నా కూతురు మీద చేయి చేసుకున్నాడు

ఒకసారి మా ఇంటికి వచ్చి నా కూతురుని టార్చర్ పెట్టాడు. ఫోన్లో నరకవేద చూపించేవాడు. ఎవరి నుంచి ఫోన్లు రాకుండా వేధించాడు. ఓ సారి మా ఇంటికి వచ్చి చేయి కూడా చేసుకున్నాడు. మా పిల్ల మీద చేయి చేసుకోవడానపికి నువ్వు ఎవరు? అంటే నా మీద తిరగబడ్డాడు. నేను అతడిని తోసి పంపించేశాను.

అతడి కోసం నటించడం మానేసింది

మేము పండక్కి పిల్లలతో కలిసి మా ఊరు వెళ్లాం. మూడు రోజుల క్రితమే నా కూతురు హైదరాబాద్ వచ్చింది. నేను అక్కడే ఉన్నాను. ఫోన్‌లో ఏం మాట్లాడుకున్నారో తెలియదు. ఇలా జరుగుతుందని అనుకోలేదు. అతడు వద్దంటే పవిత్ర బంధం తర్వాత నటించడం మానేసిందని తెలిపారు.

ఒకే కులం కాదు...

అతడు మా కుటుంబానికి పరిచయం ఉన్న వ్యక్తి కాదు సీరియల్ అమ్మాయి ద్వారా పరిచయం అయ్యాడు. వారి ప్రేమ విషయం నాకు మూడు నెలల క్రితమే చెప్పారు. ఒకే కులం కాదు.. మీ పెద్దోళ్లు ఒప్పుకుంటే చేసుకోండి, లేకుంటే వద్దని చెప్పాను. నా కూతురు చావుకు కారణం అతడే.. అని ఝాన్సీ తల్లి కన్నీరుమున్నీరయ్యారు.

వాట్సాప్ చాటింగ్ ఆధారంగా విచారణ

సూర్య అలియాస్ నానితో ఝాన్సీ వాట్సాప్ చాట్ చేశారు. ప్రేమ వ్యవహారంలో ఏర్పడ్డ విబేధాలే ఆత్మహత్యకు కారణమని గుర్తించారు. దీంతో పోలీసులు ఆమె సెల్ ఫోన్ సీజ్ చేశారు. ఈ కేసుపై వివిధ కోణాలల్లో దర్యాప్తు జరుపుతున్నారు.