హిందూ సంఘాల ఆగ్రహం: తెలుగు సీరియల్ టైటిల్ మార్పు

Television

oi-Santhosh

By Bojja Kumar

| Published: Wednesday, August 27, 2014, 11:26 [IST]

హైదరాబాద్: తెలుగు ఎంటర్టెన్మెంట్ ఛానల్ జీ తెలుగులో ప్రసారం అవుతున్న 'రామా సీతెక్కడ?...ఇలాంటి భర్త ఏ ఆడపిల్లకు వద్దు' అనే టీవీ సీరియల్‌పై హిందూ సంఘాలైన బజరంగ్ దళ్, విశ్వ హిందూ పరిషత్ (వీహెచ్‌పీ) శ్రేణులు ఆగ్రహం వ్యక్తం చేసాయి. ఈ సీరియల్ టైటిల్ హిందువుల మనోభావాలు దెబ్బతినే విధంగా ఉన్నాయంటూ జీ తెలుగు ఛానల్ ముందు ఆందోళన చేపట్టాయి. వెంటనే టైటిల్ మార్చాలని డిమాండ్ చేసారు.

ఈ ధర్నాతో జీ తెలుగు కార్యాలయం వద్ద ఆందోలనకర పరిస్థితి నెలకొంది. అయితే పోలీసులు కలుగజేసుకోవడంతో పరిస్థితి సద్దు మనిగింది. సైఫాబాద్ పోలీసుల సమక్షంలో జరిగిన చర్చల్లో సీరియల్ టైటిల్ మార్చేందుకు చానల్ యజమానులు హామీ ఇచ్చారని నేతలు తెలిపారు.

కాగా... తెలుగు సినీ దర్శకుడు రామ్ గోపాల్ వర్మపై కూడా ఆందోళన కారులు ఆగ్రహంగా ఉన్నారు. ఇటీవల హిందూ దేవతలను ఉద్దేశించి రామ్ గోపాల్ వర్మ చేసిన వ్యాఖ్యలు హిందువుల మనోభావాలు దెబ్బతినే విధంగా ఉన్నాయని, వెంటనే రామ్ గోపాల్ వర్మ తన వ్యాఖ్యలు వెనక్కు తీసుకుని క్షమాపణ చెప్పాలని, లేకుంటే అతన్ని అడ్డుకుంటామని ఆందోళన కారులు తెలిపారు.