Don't Miss!
- News మేనిఫెస్టోను ప్రజల్లోకి తీసుకెళ్లేలా మరింత ఉధృతంగా వైఎస్ జగన్ చివరి విడత ప్రచారం
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
గుక్కపెట్టి ఏడ్చిన వరుణ్.. భార్యను బిగ్బాస్ నుంచి బయటకు పంపి.. కన్నీటి పర్యంతం
Recommended Video
బిగ్బాస్ తెలుగు ఎలిమినేషన్ వీకెండ్ సరదాగా, ఎమోషనల్గా సాగిపోయింది. నాగార్జున ఫుల్ ఎనర్జీతో ఎంట్రీ ఇచ్చి అందరిలో జోష్ నింపాడు. ఇంటి సభ్యులతో గేమ్స్ ఆడిస్తూ ఎపిసోడ్ను వినోదంగా మార్చారు. మధ్యలో ఎలిమినేషన్ ప్రక్రియను కొనసాగిస్తూ ఎపిసోడ్ను ముందుకు తీసుకెళ్లాడు. అలా ఆడుతూ వితికను ఎలిమినేట్ చేశాడు. వితిక ఎలిమినేషన్కు ముందు షోలో ఏం జరిగిందంటే..
ఇంటి సభ్యులతో
తొలుత ఇంటిలో కంటెస్టెంట్లతో పాటలకు డ్యాన్సులు చేసే గేమ్ను ఆడించారు. అందరూ తలో పాటకు డ్యాన్స్ చేయగా రాహుల్ ముఠామేస్తీ సాంగ్కు, శివజ్యోతి ఒక ఊరిలో పాటకు, బాబా భాస్కర్ జులాయి పాటకు డ్యాన్స్ చేశారు. చాలా సహజసిద్ధంగా డ్యాన్స్ చేసిన శివజ్యోతికి టాప్ మార్కులు సాధించి విజేతగా నిలిచారు. బాబా భాస్కర్ రెండోస్థానంలో నిలిచాడు.
శివజ్యోతి సేఫ్
ఆ తర్వాత ఇంటిలో ఎలిమినేషన్ ప్రక్రియను ప్రారంభించారు. నామినేషన్లో ఉన్న అలీ, వితిక, వరుణ్, శివజ్యోతికి చెరో మట్టికూజా ఇచ్చి పగలగొడితే వచ్చిన తర్వాత లభించే గోల్డ్ కాయిన్స్పై ఎవరి పేరు ఉంటే వారు సేఫ్ అవుతుందని గేమ్ రూల్స్ చేప్పారు. ఆ తర్వాత శివజ్యోతి సేఫ్ అయినట్టు ప్రకటించారు.
వితిక, వరుణ్తో
ఆ తర్వాత మళ్లీ ఓ బ్లైండ్ ఫోల్డ్ గేమ్ను ఆడించారు. ఈ గేమ్లో కళ్లకు గంతలు కట్టి శ్రీముఖి చేత డ్యాన్స్, వరుణ్, అలీ చేత బాక్సింగ్, వితిక, వరుణ్తో స్మైల్ బాల్స్ కొట్టుకోవడం లాంటి గేమ్ ఆడించారు. ఆ తర్వాత ఎలిమినేషన్ ప్రక్రియను మరోసారి ఆడించి అలీ రెజాను సేఫ్ అయినట్టు ప్రకటించారు.
వితిక్ అవుట్ ఇలా
ఇక చివర్లో వితిక, వరుణ్ సందేశ్ మిగలగా వారికి మధ్య ఎవరు సేఫ్.. ఎవరు అవుట్ అవుతారనే ట్విస్టును పెట్టాడు. వరుణ్ అవుటయితే తనకు ఇన్సిపిరేషన్గా భావిస్తానని వితిక చెప్పింది, ఒకవేళ వితిక అవుట్ అయితే నాకు సర్వస్వం అవుతుందని వరుణ్ చెప్పారు. చివరకు ఓ బోర్డు మీద చిన్న గేమ్ ఆడి వితికను అవుట్ చేశాడు.
గుక్కపెట్టి ఏడ్చిన వరుణ్
వితిక్ అవుట్ కావడంతో వరుణ్ షాక్కు గురయ్యాడు. గుక్కపట్టి ఏడ్చాడు. వరుణ్ ఏడుస్తుంటే వితిక ఓదార్చేందుకు ప్రయత్నించింది. నీవు అలా ఏడవకు అంటూ వితిక సముదాయించింది. కానీ వరుణ్ ఏడుపు ఆపుకోలేకపోయాడు. చివరకు సెల్ఫీ దిగి నాగార్జున వద్దకు స్టేజ్పైకి వెళ్లింది. ఆ తర్వాత తన జర్నీ చూసి ఎమోషనల్ అయింది.