Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
బిగ్బాస్ విజేత అభిజిత్.. తెరపైకి కొత్త సెంటిమెంట్.. కౌశల్ మండా మాదిరిగానే..
సినీ పరిశ్రమలోను, టెలివిజన్ రంగంలోనూ సెంటిమెంట్లకు ఎక్కువగా ప్రాధాన్యం ఉంటుంది. అయితే వాటిని సెలబ్రిటీలు బలంగా నమ్ముతుండటం తెలిసిందే. అయితే బిగ్బాస్ తెలుగు 4 సీజన్ ముగింపుకు చేరువవుతున్న నేపథ్యంలో విజేతగా ఎవరు నిలుస్తారనే విషయం ఇప్పుడు అత్యంత చర్చనీయాంశమైంది. అయితే కొందరు ఈ సారి అభిజిత్ విజేత అంటూ ఓ నమ్మకంతో ముందుకెళ్తున్నారు. అయితే ఈ సందర్భంగా ఓ సంఘటనను గుర్తు చేస్తున్నారు. అదేమిటంటే..
11 వారాల్లో 9 సార్లు నామినేట్
బిగ్బాస్ తెలుగు 4 షో విషయానికి వస్తే.. లైఫ్ ఈజ్ బ్యూటిఫుల్ ఫేమ్ అభిజిత్ ప్రస్తుతం హౌజ్లో బలమైన కంటెస్టెంట్గా కనిపిస్తున్నారు. మొత్తం 11 వారాల నామినేషన్ ప్రక్రియలో ఇప్పటి వరకు 9 సార్లు నామినేట్ అయి ఎలిమినేషన్ నుంచి బయటపడ్డారు. ప్రేక్షకుల చేత భారీ ఓట్లు, ట్వీట్లు రాబడుతున్నారు.
అభిజిత్ వైపే మొగ్గు
ఇప్పటికే సినీ వర్గాలు, ఇతర సెలబ్రిటీలు బిగ్బాస్ విజేత అభిజిత్ అనే అభిప్రాయాన్ని వ్యక్తిగతంగా వెల్లడిస్తున్నారు. ఈ సారి అంతా సవ్యంగా సాగితే అభిజిత్ టైటిల్ గెలుచుకోవడానికి ఎక్కువగా అవకాశాలు ఉన్నాయని పేర్కొంటున్నారు. పలువురు సినీ ప్రముఖులు అభిజిత్కు సానుకూలంగా కామెంట్లు చేస్తున్నారు.
బిగ్ బాస్ సీజన్ 2లో కౌశల్ మండాకు
అయితే ఈ సందర్భంగా బిగ్బాస్ తెలుగు 2 సీజన్లో కౌశల్ మండాకు ఎదురైన విషయాన్ని గుర్తు చేస్తున్నారు. అప్పటి షోలో కౌశల్ ఇంటిలో బలమైన కంటెస్టెంట్గా కొనసాగాడు. ఆ సమయంలో ఇంటిలోకి వచ్చిన తనీష్ సోదరుడు కౌశల్ మండాను ఉద్దేశించి ఘాటైన వ్యాఖ్యలు చేసి ఆయనను కించపరిచే విధంగా, బాధపట్టే విధంగా ప్రవర్తించాడు. ఆ సీజన్లో కౌశల్ విజేతగా నిలవడం తెలిసిందే.
అభిజిత్పై మోనాల్ సోదరి కామెంట్స్
ఇక ప్రస్తుత సీజన్లో అభిజిత్ ఒక బలమైన కంటెస్టెంట్గా ఆరంభం నుంచి కనిపిస్తున్నాడు. ఇటీవల ఇంటి సభ్యులు బిగ్బాస్ హౌస్ను సందర్శించిన సమయంలో కౌశల్ మండాకు ఎదురైన సన్నివేశం అభిజిత్కు కూడా ఎదురైంది. ఇంటిలోకి వచ్చిన మోనాల్ సోదరి హిమాలీ కూడా అభిజిత్ను కించపరిచే విధంగా కామెంట్ చేసింది. ఏదైనా ఉంటే ముందే మాట్లాడు.. వెనుక మాట్లాడకు అంటూ కామెంట్ చేసింది. మోనాల్ను అభిజిత్ ఒంటెతో పోల్చడాన్ని ఉద్దేశించి హిమాలీ చేసిన వ్యాఖ్యలు చర్చనీయాంశమయ్యాయి.
Recommended Video
కొత్తగా సెంటిమెంట్ను తెరపైకి తెచ్చి..
అప్పుడు కౌశల్ మండా విజేతగా నిలిచినట్టే.. అభిజిత్ విజేతగా నిలుస్తాడని హిమాలీ, తనీష్ సోదరుడి విషయాలను సెంటిమెంట్గా మారుస్తున్నారు. ఈ సెంటి మెంట్ వాస్తవ రూపం దాల్చి అభిజిత్ విజేత అవుతాడా? లేదా అనేది కాలమే సమాధానం చెబుతుంది. 15వారాల సీజన్లో ప్రస్తుతం 12వ వారం కొనసాగుతున్న సంగతి తెలిసిందే.