Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అలా మన్మథుడు 2 విడుదలైందో లేదో ఇలా రాహుల్ రవీంద్రన్కి జాతీయ అవార్డు
నటుడు, దర్శకుడు రాహుల్ రవీంద్రన్కి జాతీయ చలన చిత్ర అవార్డుల్లో చోటు దక్కింది. అది కూడా ఆయన సినిమా విడుదల రోజే. తాజాగా ప్రకటించిన 66 వ జాతీయ చలన చిత్ర అవార్డుల్లో బెస్ట్ ఒరిజినల్ స్క్రీన్ ప్లే అవార్డు కేటగిరీలో 'చి.ల.సౌ' చిత్రానికి గాను డైరెక్టర్ రాహుల్ రవీంద్రన్ అవార్డు దక్కించుకున్నాడు.
అంతకుముందే నటుడిగా గుర్తింపు పొందిన రాహుల్ రవీంద్రన్ దర్శకుడిగా చేసిన మొదటి సినిమా 'చి.ల.సౌ'. దీంతో మొదటి సినిమానే జాతీయ చలన చిత్ర అవార్డుల్లో చోటు సంపాదించడం పట్ల ఆనందంగా ఉన్నారు రాహుల్ రవీంద్రన్, ఆయన భార్య చిన్మయి. ఈ మేరకు రాహుల్ రవీంద్రన్కి శుభాకాంక్షలు తెలుపుతూ ట్వీట్ చేసింది గాయని చిన్మయి.
రాహుల్ రవీంద్రన్ దర్శకత్వంలో తెరకెక్కిన చి.ల.సౌ చిత్రంలో సుశాంత్ హీరోగా నటించగా రుహానీ శర్మ హీరోయిన్గా నటించింది. వెన్నెల కిషోర్, విద్యుల్లేఖ రామన్ కీలక పాత్రలు పోషించారు. మరోవైపు రాహుల్ రవీంద్రన్ దర్శకత్వంలో తెరకెక్కిన రెండో సినిమా మన్మథుడు 2 ఈ రోజే (శుక్రవారం) విడుదలైంది. ఈ చిత్రంలో నాగార్జున, రకుల్ ప్రీత్ సింగ్ హీరోహీరోయిన్లుగా నటించారు. తన రెండో సినిమా విడుదల రోజే మొదటి సినిమాకు జాతీయ అవార్డు దక్కడం పట్ల ఆనందంగా ఉన్నారు రాహుల్ రవీంద్రన్.