అఖండ నుంచి లీకైన అదిరిపోయే న్యూస్: ఆ టైంలో థియేటర్లు దద్దరిల్లిపోవడం ఖాయమట

‘అఖండ' మారిన బాలకృష్ణ

ఈ మధ్య హిట్ లేక సతమతం అవుతోన్న నందమూరి బాలకృష్ణ.. టాలీవుడ్ బడా దర్శకుడు బోయపాటి శ్రీనుతో 'అఖండ' అనే సినిమా చేస్తున్నారు. ద్వారకా క్రియేషన్స్ బ్యానర్‌పై మిర్యాల రవీందర్ రెడ్డి నిర్మిస్తోన్న ఈ సినిమాలో ప్రగ్యా జైస్వాల్ హీరోయిన్‌గా చేస్తోంది. ఇందులో పూర్ణ, శ్రీకాంత్ నెగెటివ్ రోల్స్ చేస్తున్నారు. ఎస్ థమన్ ఈ సినిమాకు సంగీతం సమకూర్చుతున్నాడు.

ఏ హీరో చేయని విధంగా అలా

ఎంతో ప్రతిష్టాత్మకంగా రాబోతున్న 'అఖండ' మూవీ కోసం బాలకృష్ణ ఎన్నో సాహసాలు చేస్తున్నారు. మరీ ముఖ్యంగా ఈ సినిమా కోసం ఆయన ఏకంగా అఘోరాగా నటిస్తున్నారు. తద్వారా ఈ తరహా పాత్రను పోషిస్తోన్న స్టార్‌గా నిలిచారు. ఇక, ఈ మూవీలో బాలయ్య కొన్ని రియల్ స్టంట్స్ కూడా చేసినట్లు తెలుస్తోంది. మొత్తంగా ఇది ఆయన కెరీర్‌లోనే స్పెషల్ మూవీ కాబోతుంది.

సొంతమైన సౌతిండియా రికార్డ్

'అఖండ' మూవీ నుంచి ఆ మధ్య టైటిల్ రోర్ వీడియో విడుదలైంది. ఎంతో పవర్‌ఫుల్‌గా ఉన్న ఈ టీజర్‌కు ప్రేక్షకుల నుంచి భారీ స్థాయిలో స్పందన వచ్చింది. ఫలితంగా ఈ వీడియో ఎన్నో రికార్డులను తిరగరాసింది. తద్వారా సీనియర్ హీరోల చిత్రాల్లో దక్షిణ భారతదేశంలోనే టాప్‌కు చేరుకుంది. ఇక, ఇటీవల విడుదలైన ఈ మూవీ ట్రైలర్ కూడా భారీ స్పందనను అందుకుంది.

బాలయ్య కెరీర్‌లోనే భారీ రేంజ్

ఆరంభంలో 'అఖండ' మూవీపై పెద్దగా అంచనాలు లేవు. కానీ, రెండు టీజర్లు విడుదలైన తర్వాత అవి అమాంతం పెరిగిపోయాయి. దీంతో ఈ సినిమాను కొనేందుకు చాలా మంది బయ్యర్లు ముందుకు వచ్చారు. ఈ క్రమంలోనే ఈ సినిమా తెలుగు రాష్ట్రాలతో పాటు ఓవర్సీస్ హక్కులు భారీ ధరకు అమ్ముడయ్యాయి. అలాగే, శాటిలైట్ డిజిటల్ రైట్స్‌కు అత్యధిక డీల్స్ కుదిరాయి.

సెన్సార్ జరుపుకున్న అఖండ

విడుదలకు సమయం దగ్గర పడడంతో 'అఖండ' మూవీ ప్రమోషన్ కార్యక్రమాలు వేగవంతం చేయబోతుంది. ఈ నేపథ్యంలో శుక్రవారం ఈ చిత్రం సెన్సార్ బోర్డుకు వెళ్లింది. అక్కడ ఈ సినిమాను చూసిన మెంబర్లు దీనికి U/A సర్టిఫికెట్‌ను జారీ చేశారట. అంటే అన్ని వర్గాల వాళ్లకూ చేరువయ్యే సినిమా అయింది. ఇక, ఈ సినిమా రన్ టైమ్ 2:47 గంటలు అని తెలుస్తోంది.

Recommended Video

అసెంబ్లీ ప్రజా సమస్యలను చర్చించడానికి అకారణంగా దూషించడానికి కాదు - Kalyan Ram || Filmibeat Telugu

థియేటర్లు దద్దరిల్లడం ఖాయం

హిట్ కాంబినేషన్‌లో వస్తున్న 'అఖండ' మూవీపై అంచనాలు ఏ రేంజ్‌లో ఉన్నాయో చెప్పనక్కర్లేదు. ఇక, ఇందులో బోయపాటి మార్క్ ఫైట్స్, డైలాగ్స్ స్పెషల్ అట్రాక్షన్ కాబోతున్నాయి. తాజా సమాచారం ప్రకారం.. ఈ సినిమా మొత్తం 2:47 గంటల రన్‌ టైంతో ఉండగా.. అందులో 45 నిమిషాల పాటు ఫైట్సే ఉంటాయట. వీటితో థియేటర్లు దద్దరిల్లిపోవడం ఖాయమంటున్నారు.