తప్పును సరిద్దిద్దుకొంటా.. ఆయనంటే గౌరవం.. ఎంపీపై వివాద వ్యాఖ్యలపై పోసాని

యూట్యూబ్, సోషల్ మీడియాలో

పోసాని మురళీ కృష్ణ తన ప్రకటనలో ఈ వివాదంపై స్పందిస్తూ.. గత ఆదివారం నిర్వహించిన ప్రెస్‌‌మీట్‌లో ఎంపీ రేవంత్‌ రెడ్డి వ్వక్తిగతంగా, రాజకీయంగా విమర్శించానని, అలాగే ఘాటు వ్యాఖ్యలు చేసానని వార్తలు వచ్చాయి. .అలాగే రేవంత్‌ రెడ్డిపై పోసాని ఫైర్‌, రేవంత్ రెడ్డిపై పోసాని ఘాటు కామెంట్స్‌ అని సోషల్‌ మీడియాలోనూ, యూట్యూబ్‌ చానల్స్‌లోనూ విపరీతంగా ట్రోల్‌ అవుతున్న విషయం నా దృష్టికి వచ్చింది. అది చూసి నేను ఎంతో భాదపడ్డాను అని తెలిపారు.

ఆయనను ఎప్పుడూ కామెంట్ చేయలేదు

అలాగే మల్కాజి గిరి పార్లమెంట్ సభ్యులు రేవంత్‌ రెడ్డి, ఆయన సన్నిహితులు, ఆయన అభిమానులు మనస్తాపం చెందారని తెలిసింది. నాకు తెలిసో, తెలియకో నా జీవితంలో ఆయనను వ్వక్తిగతంగా గానీ , రాజకీయ పరంగా కానీ ఎప్పుడూ కామెంట్‌ చేయలేదు. మొన్న జరిగిన ప్రెస్‌ మీట్‌లో కూడా నేను తప్పుగా మాట్లడలేదు.. ఎప్పుడైనా ప్రెస్‌మీట్‌లో ప్రతిపక్షం విమర్శ చేసేటప్పుడు, విమర్శతోపాటు సాక్ష్యం కూడా ఉంటే బాగుంటుందని అన్నానని పోసాని అభిప్రాయపడ్డారు.

తప్పుగా మాట్లాడలేదు

ఎవరైనా సాక్ష్యాలు చూపించి విమర్శలు చేస్తే జనం కూడా నమ్ముతారు. జనం గుండెల్లోకి కూడా మీ వార్త చేరుతుంది. అలా అయితే ప్రజలకు మేలు జరుగుతుందనే ఉద్దేశంతో మాట్లాడానే తప్ప.. నేను ఎవరి గురించి తప్పుగా మాట్లాడలేదు. ఈ విషయంలో ఏదో పొరపాటు జరిగింది. తప్పుగా నా వ్యాఖ్యలు ప్రజెంట్ అయ్యాయని భావిస్తున్నాను అని పోసాని చెప్పారు.

Recommended Video

Posani Krishna Murali Comments On Tollywood Film Industry

రేవంత్ రెడ్డి అంటే గౌరవం

నా ప్రెస్‌ మీట్‌లో ముఖ్యంగా రేవంత్‌ రెడ్డి గురించి నేను అసలు మాట్లాడలేదు. ఆయన అంటే నాకు ఎంతో గౌరవం. అయినా సోషల్‌ మీడియాలో యూట్యూబ్‌ ఛానల్స్‌లో బాగా ట్రోల్‌ అవుతున్నాయి. కాబట్టి ఇది నా బాధ్యతగా తీసుకొని రేవంత్‌ రెడ్డికి , ఆయన అభిమానులకు విచారం వ్వక్తం చేస్తున్నాను. ఇది నా తప్పుగానే భావించి, ఈ తప్పును సరిదిద్దుకొంటాను అని పోసాని వివరణ ఇచ్చారు.