Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
Actor Venu Madhav Death: వీవీ వినాయక్ స్పందన.. ప్రగాఢ సంతాపం
ప్రముఖ నటుడు, టాలీవుడ్ కమెడియన్ వేణుమాధవ్ మృతిపై డైరెక్టర్ వీవీ వినాయక్ స్పందించారు. మంచి టాలెంట్ ఉన్న కమెడియన్ వేణు మాధవ్ అని పేర్కొంటూ ఆవేదన చెందారు. వేణు మాధవ్ తాను డైరెక్ట్ చేసిన అన్ని సినిమాల్లోనూ నటించారని చెప్పారు. మంచి ఆత్మీయుడిని కోల్పోయానని ఫీల్ అవుతున్నానని అన్నారు.
వేణు మాధవ్ ఆరోగ్యంగా ఉంటే ఇంకా ఎన్నో సినిమాల ద్వారా కామెడీ పంచేవారని అన్నారు. సెట్లో ఎప్పుడూ నవ్వుతూ, నవ్విస్తూ ఉండే వ్యక్తి వేణు మాధవ్ అని, తాను రాసిన స్క్రిప్ట్ కంటే మరింత బాగా ఆయన నటించేవారని గుర్తు చేసుకున్నారు. తాను డైరెక్ట్ చేసిన లక్ష్మి సినిమాకు గాను వేణు మాధవ్కి నంది అవార్డు లభించినప్పుడు ఆనందంగా ఫీల్ అయ్యానని చెప్పారు వీవీ వినాయక్. ఈ మేరకు వేణు మాధవ్ కుటుంబ సభ్యులకు తన ప్రగాఢ సానుభూతి తెలియజేశారు.
గత కొద్దికాలంగా కాలేయ సంబంధిత వ్యాధితో బాధపడుతున్న వేణు మాధవ్.. హైదరాబాద్ లోని యశోద హాస్పిటల్ లో చికిత్స పొందుతూ మరణించారు. 'సంప్రదాయం' సినిమాతో తెలుగు తెరకు పరిచయమైన వేణుమాధవ్ ఇండస్ట్రీలో అలుపెరగని ప్రయాణం చేశారు. 20 ఏళ్ల పాటు తెలుగు చిత్ర పరిశ్రమలో టాప్ కమెడియన్ గా కొనసాగిన ఆయన 400 పైగా సినిమాల్లో నటించారు. చిన్నతనం నుంచే సినిమాలంటే ఆసక్తిగా ఉండే ఆయన వెండితెరపై రాణించారు. వేణు మాధవ్ ఇక లేరు అనే మాట విని ప్రేక్షకలోకం తీవ్ర విషాదంలో మునిగిపోయింది.