Don't Miss!
- News కేసీఆర్ భరోసా: 22 నుంచి బస్సు యాత్రతో జనంలోకి
- Sports భార్య పేరు చెప్పి.. DK నోరు మూయించిన కోహ్లి Video
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
అడవి శేష్ - నాని కాంబినేషన్లో మూవీ: అధికారికంగా ప్రకటించిన విలక్షణ హీరో
విలక్షణ నటనతో తనకంటూ ప్రత్యేకమైన గుర్తింపును సంపాదించుకున్నాడు టాలెంటెడ్ హీరో అడవి శేష్. కెరీర్ ఆరంభంలో విలన్గా మెప్పించిన అతడు.. ఆ తర్వాత హీరోగా మారాడు. అప్పటి నుంచి విభిన్నమైన చిత్రాల్లో నటిస్తూ మంచి పేరును తెచ్చుకున్నాడు. ఇటీవలి కాలంలో వరుసగా 'క్షణం', 'గూఢచారి', 'ఎవరు' వంటి సస్పెన్స్ థ్రిల్లర్ మూవీలతో విజయాలను అందుకున్నాడు. ఈ క్రమంలోనే ప్రస్తుతం మహేశ్ బాబు నిర్మాణంలో శశి కిరణ్ తిక్క తెరకెక్కిస్తోన్న 'మేజర్'లో నటిస్తున్నాడు. ఇది పట్టాలపై ఉండగానే తాజాగా తన కొత్త సినిమాను ప్రకటించాడు అడవి శేష్.
గత ఏడాది లాక్డౌన్కు ముందు చిన్న సినిమాగా వచ్చి పెద్ద విజయాన్ని అందుకున్న చిత్రం 'హిట్'. విశ్వక్ సేన్ హీరోగా శైలేష్ కొలను తెరకెక్కించిన ఈ సినిమాను హీరో నాని నిర్మించాడు. దీని ప్రీ రిలీజ్ బిజినెస్ రూ. 4.4 కోట్లు జరగగా, దాదాపు రూ. 7.50 కోట్ల రాబట్టి సూపర్ డూపర్ హిట్గా నిలిచింది. ఈ నేపథ్యంలోనే దీనికి సీక్వెల్ తీస్తున్నట్లు ఇటీవలే ప్రకటించారు. అందుకు అనుగుణంగానే తాజాగా 'HIT 2'కు సంబంధించిన ప్రకటనను అధికారికంగా వెల్లడించారు. తద్వారా ఇందులో హీరో ఎవరు అనే సస్పెన్స్కు ఇప్పటికి తెరదించింది ఆ మూవీ యూనిట్.
'HIT'లో విశ్వక్ సేన్ హీరోగా నటించగా.. రెండో భాగమైన 'HIT The Second Case'లో మాత్రం అడవి శేష్ హీరోగా నటిస్తున్నాడు. ఈ విషయాన్ని అతడే స్వయంగా వెల్లడించాడు. అంతేకాదు, తన ట్విట్టర్ ఖాతాలో ఓ పోస్టర్ను కూడా విడుదల చేశాడు. ఇక, దీనికి 'నా ఫేవరెట్ పర్సన్ నానితో కలిసి పని చేయడం సంతోషంగా ఉంది. నా మేజర్ సినిమా షూటింగ్ పూర్తయిన వెంటనే ఇది ప్రారంభం అవుతంది. ఈ సినిమాలో భాగం అయినందుకు సంతోషంగా ఉంది' అంటూ రాసుకొచ్చాడు. మొదటి భాగం కంటే బెటర్గా, బిగ్గర్గా ఉంటుందని కూడా వెల్లడించాడు.