Don't Miss!
- Sports DC vs RR: కొంపముంచిన మోహిత్ శర్మ.. రిషభ్ పంత్ విధ్వంసం!
- News కేసీఆర్ కాన్వాయ్లో ప్రమాదం: ఒకదానికొకటి 8 వాహనాలు ఢీ
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘మేజర్’ సినిమా వాయిదా: అప్పుడే రిలీజ్ అంటూ అధికారికంగా ప్రకటించిన యూనిట్
విలక్షణ నటనతో తెలుగు సినీ ఇండస్ట్రీలో ప్రత్యేకమైన గుర్తింపును అందుకుని దూసుకుపోతున్నాడు యంగ్ హీరో అడవి శేష్. వినూత్నమైన సినిమాలతో సత్తా చాటుతోన్న అతడు.. ప్రస్తుతం 'మేజర్' అనే చిత్రంలో నటిస్తున్నాడు. ఎంతో ప్రతిష్టాత్మకంగా రూపొందుతోన్న ఈ సినిమా ముంబైలో జరిగిన ఉగ్రదాడుల్లో వీర మరణం పొందిన మేజర్ సందీప్ ఉన్నికృష్ణన్ జీవిత కథ ఆధారంగా తెరకెక్కుతోంది. ఇప్పటికే విడుదలైన టీజర్, పోస్టర్లు సినిమాపై అంచనాలను భారీగా పెంచేశాయి. ఈ నేపథ్యంలో దీని విడుదలను వాయిదా వేస్తున్నట్లు యూనిట్ తాజాగా ప్రకటించింది.
శశి కిరణ్ తిక్క దర్శకత్వంలో అడవి శేష్ నటిస్తోన్న చిత్రమే 'మేజర్'. పాన్ ఇండియా మూవీగా రూపొందుతోన్న ఈ సినిమాను జూలై 2న విడుదల చేస్తున్నట్లు గతంలో ప్రకటించారు. అయితే, కరోనా వైరస్ ప్రభావం కారణంగా ఇప్పుడా నిర్ణయాన్ని మార్చుకుని, విడుదలను వాయిదా వేస్తున్నారు. ఈ మేరకు చిత్ర యూనిట్ తాజాగా ఓ ప్రకటనను వదిలింది. అందులో 'కరోనా ప్రభావం కారణంగా మేజర్ మూవీ విడుదలను వాయిదా వేస్తున్నాం. పరిస్థితులు చక్కబడిన తర్వాత దీన్ని సెలెబ్రేట్ చేసుకుందాం. కొత్త రిలీజ్ డేట్ను కూడా త్వరలోనే ప్రకటిస్తాం' అని తెలిపారు.
భారీ యాక్షన్ ఎంటర్టైనర్గా రాబోతున్న 'మేజర్' మూవీపై భారీ స్థాయిలో హైప్ ఉంది. ఈ సినిమా కోసం అడవి శేష్ ఎంతగానో కష్ట పడుతున్నాడు. అందుకు అనుగుణంగానే ఇప్పటి వరకూ చేసిన ఔట్పుట్ అదిరిపోయేలా వచ్చిందట. ఇక, ఈ సినిమాను సోనీ పిక్చర్స్ ఇంటర్నేషనల్ ప్రొడక్షన్స్, టాలీవుడ్ సూపర్స్టార్ మహేష్ బాబు నిర్మాణ సంస్థ జి మహేష్బాబు ఎంటర్టైన్మెంట్ సంయుక్తంగా నిర్మిస్తున్నాయి. బాలీవుడ్ భామ సయీ మంజ్రేకర్ హీరోయిన్గా నటిస్తోంది. శోభిత దూళిపాళ్ల కీలక పాత్రను చేస్తోంది. శ్రీ చరణ్ పాకాల సంగీతం అందిస్తున్నారు.