Don't Miss!
- News కాంగ్రెస్ ఖమ్మం సీటు పంచాయితీలో అనూహ్య మలుపు..!!
- Technology జియో సినిమా యాప్లో IPL మ్యాచ్లను ఉచితంగా చూస్తున్నారా.. రేపు కీలక ప్రకటన??
- Sports ఆ రూల్ వల్లే గెలిచాం- KL రాహుల్
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
‘బంగార్రాజు’ అప్డేట్: నాగార్జున సినిమా నుంచి నాగ చైతన్య ఔట్.. మరో యంగ్ హీరో ఇన్
అక్కినేని నాగార్జున - కల్యాణ్ కృష్ణ దర్శకత్వంలో వచ్చిన చిత్రం 'సోగ్గాడే చిన్ని నాయన'. సంక్రాంతి కానుకగా విడుదలైన ఈ సినిమా భారీ విజయాన్ని అందుకోవడంతో పాటు ఆయన కెరీర్లోనే అత్యధిక కలెక్షన్లు సాధించిన సినిమాగా నిలిచింది. ఇందులో రెండు పాత్రలు పోషించిన నాగ్.. అద్భుతమైన నటనతో ఆకట్టుకున్నారు. సూపర్ డూపర్ హిట్ అవడంతో ఈ సినిమాకు ప్రీక్వెల్ తెరకెక్కించాలని చిత్ర యూనిట్ డిసైడ్ అయిపోయింది. అప్పటి నుంచి దీనికి సంబంధించిన పనులు చేస్తూనే ఉన్నాడు దర్శకడు కల్యాణ్ కృష్ణ.
సుదీర్ఘ విరామం తర్వాత 'బంగార్రాజు'ను పట్టాలెక్కించడానికి లైన్ క్లియర్ చేసుకున్నారు అక్కినేని నాగార్జున. డిసెంబర్ నుంచి ఈ సినిమా షూటింగ్ ప్రారంభం కాబోతుంది. ఇందులో రమ్యకృష్ణ ఆయన భార్యగా నటించనున్నారు. అలాగే, అక్కినేని నాగ చైతన్య కూడా కీలక పాత్రను పోషిస్తున్నాడని ఆ మధ్య బాగా ప్రచారం జరిగింది. కానీ, అనివార్య కారణాలతో ఆ పాత్రను తీసేయాల్సి వస్తుందని కూడా వార్తలు వచ్చాయి. ఈ నేపథ్యంలో 'బంగార్రాజు'లో నాగార్జునతో పాటు ఆయన చిన్న కుమారుడు అఖిల్ కూడా నటిస్తున్నాడని తాజాగా ఓ న్యూస్ లీకైంది.
వరుస పరాజయాలతో ఇబ్బందులు ఎదుర్కొంటోన్న అక్కినేని అఖిల్ ప్రస్తుతం 'మోస్ట్ ఎలిజిబుల్ బ్యాచ్లర్' అనే సినిమాలో నటిస్తున్నాడు. దీని తర్వాత సురేందర్ రెడ్డితో సినిమా చేయాల్సి ఉంది. ఈ లోపు నాగార్జున నటిస్తున్న 'బంగార్రాజు'లో ఓ పాత్రను పోషించడానికి అతడు సిద్ధం అయ్యాడని తెలుస్తోంది. ఎంతో కీలకమైన ఈ పాత్రను దర్శకుడితో ప్రత్యేకంగా డిజైన్ చేయించాడట నాగ్. ఈ న్యూస్ బయటకు వచ్చినప్పటి నుంచి అక్కినేని ఫ్యాన్స్ ఖుషీ అవుతున్నారు. ఇదిలా ఉండగా, ప్రస్తుతం నాగార్జున 'వైల్డ్ డాగ్' అనే సినిమాలో నటిస్తున్నారు.