Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అక్కినేని ఫ్యామిలీ నుంచి మరో మల్టీస్టారర్.. హిట్ ఇచ్చిన డైరెక్టర్కు బాధ్యతలు అప్పగించిన నాగ్
టాలీవుడ్లోని సీనియర్లలో అక్కినేని నాగార్జున పేరును కొంచెం ప్రత్యేకంగా చెప్పుకోవచ్చు. దీనికి కారణం పేరుకు సీనియర్ హీరోనే అయినా అందంలో కుర్రాళ్లతో పోటీ పడుతుండడమే. కేవలం ఆ విషయంలోనే కాదు.. సినిమాలు చేయడంలోనూ.. వ్యాపార ప్రకటనలు.. టీవీ షోలు ఇలా అన్నింటిలోనూ ఆయన టాలీవుడ్ హీరోలు అందరికంటే ముందే ఉన్నాడు. ఒకవైపు హీరోగా నటిస్తూనే.. మరోవైపు నిర్మాతగానూ వ్యవహరిస్తున్నాడు. అలాగే, బుల్లితెరపైనా కొన్ని షోలతో మెప్పిస్తున్నాడు. ఆయన పక్కన పెట్టేసిన ఓ సినిమా గురించి ఆసక్తికరమైన న్యూస్ లీక్ అయింది.
ఆశలు అడియాశలు అయ్యాయి
రాహుల్ రవీంద్రన్ దర్శకత్వంలో అక్కినేని నాగార్జున నటించిన చిత్రం ‘మన్మథుడు 2'. ఎన్నో అంచనాల నడుమ విడుదలైన ఈ సినిమా బాక్సాఫీస్ ముందు బోల్తా కొట్టింది. దీంతో నాగ్ కెరీర్లోనే ఓ డిజాస్టర్ మూవీగా నిలిచిపోయింది. ఇందులో నాగ్ సరసన రకుల్ ప్రీత్ సింగ్ నటించింది. ఈ సినిమా అక్కినేని అభిమానులను కూడా తీవ్ర నిరాశకు గురి చేసిందనే చెప్పాలి.
అందులో మాత్రం మెప్పించాడు
‘మన్మథుడు 2'తో నిరాశకు గురైన అక్కినేని అభిమానులు ఓ విషయంలో మాత్రం ఖుషీ అయిపోయారు. అదే.. నాగార్జున ‘బిగ్ బాస్' షోను హోస్ట్ చేయడం. ఇటీవల ముగిసిన మూడో సీజన్ను ముందుండి నడిపించిన నాగ్.. ఇది విజయవంతం అవడంలో కీలక పాత్ర పోషించాడు. అంతేకాదు, టీఆర్పీ రికార్డులను సైతం బద్దలు కొట్టేశాడు.
త్వరలోనే మొదలెట్టేస్తాడట
‘బిగ్ బాస్' తర్వాత నాగార్జున విశ్రాంతి తీసుకుంటున్నాడు. గతంలో ఎన్నడూ జరగని విధంగా ఆయన రెండు సినిమాలకు చాలా గ్యాప్ ఇచ్చారు. అయితే, కొద్ది రోజుల్లో ఈ అక్కినేని హీరో తన కొత్త సినిమాకు సంబంధించిన ప్రకటన చేయనున్నాడని సమాచారం. దీని ద్వారా సాల్మన్ అనే కొత్త దర్శకుడు పరిచయం అవుతున్నాడట. అతడు గతంలో ‘ఊపిరి' సినిమాకు రైటర్గా పని చేశాడు.
ప్రతిష్టాత్మక చిత్రం కూడా
అక్కినేని నాగార్జన కెరీర్లోనే అత్యధిక వసూళ్లు సాధించిన చిత్రం ‘సోగ్గాడే చిన్ని నాయన'. కల్యాణ్ కృష్ణ తెరకెక్కించిన ఈ సినిమా ఈ సినిమా భారీ విజయాన్ని సొంతం చేసుకుంది. దీంతో దీనికి ప్రీక్వెల్ ‘బంగార్రాజు' తీయడానికి సన్నాహాలు చేశారు నాగ్, దర్శకుడు కల్యాణ్లు. అయితే, ఈ సినిమా ఇప్పటి వరకు పట్టాలెక్కలేదు. దీంతో ఎన్నో ఊహాగానాలు తెరపైకి వచ్చాయి.
నాగ చైతన్య వల్లే ఆగిపోయింది
ఈ సినిమాను వాస్తవానికి ఎప్పుడో ప్రారంభించాల్సి ఉంది. కానీ, నాగ చైతన్య వల్లే ఇది ఇంకా పట్టాలెక్కలేదట. ఈ విషయాన్ని అతడే స్వయంగా వెల్లడించాడు. ‘వెంకీ మామ' ప్రమోషన్లో భాగంగా చైతూ దీనిపై మాట్లాడుతూ.. ‘నాన్న, నేను ‘బంగార్రాజు'లో నటించాల్సి ఉంది. నా కోసం ఈ స్క్రిప్టులో మార్పులు చేస్తున్నారు' అని వెల్లడించాడు. అంటే తండ్రి కొడుకుల కాంబోలో సినిమా రాబోతుందన్న మాట.