Don't Miss!
- News అచ్చెన్నాయుడు ప్రత్యర్ధికి ఊరట-పోటీ నుంచి తప్పుకున్న భార్య..!
- Sports ప్రశాంతంగా ఉన్నా.. ఇక చాలు- నరైన్ షాకింగ్ కామెంట్స్
- Technology Android 15 Features ఆండ్రాయిడ్ 15 లో క్వారంటైన్ ఫీచర్.. ఎలా పనిచేస్తుంది.. ఏంటి ఉపయోగం..??
- Finance Amit Shah: ఆ కంపెనీల్లో అమిత్ షా పెట్టుబడులు.. హోం మంత్రి పోర్ట్ఫోలియోలో టాప్-10 స్టాక్స్ ఇవే
- Lifestyle వీర్య కణాల సంఖ్య ఫాస్ట్గా పెరగాలంటే ఇవి వెంటనే తినండి..!
- Automobiles మండే వేసవిలో ట్రాఫిక్ పోలీసులకు చల్లచల్లని ఏసీ హెల్మెట్లు.. ఎక్కడో తెలుసా.??
- Travel Hanuman Jayanti 2024 : ఢిల్లీలోని ఈ పురాతన హనుమాన్ దేవాలయాలను చూడాల్సిందే..!
అబ్బో! అలాంటి అమ్మాయిని ఎప్పుడూ చూడలేదు.. రకుల్పై నాగార్జున కామెంట్
రాహుల్ రవీంద్రన్ దర్శకత్వంలో సర్వహంగులతో రూపొందింది 'మన్మథుడు 2' మూవీ. గతంలో నాగార్జున కెరీర్లో సూపర్ డూపర్ హిట్గా నిలిచిన మన్మథడు చిత్రానికి కొనసాగింపుగా ఈ చిత్రాన్ని రూపొందించారు. చిత్రంలో నాగార్జున సరసన యంగ్ హీరోయిన్ రకుల్ ప్రీత్ సింగ్ నటించగా.. సమంత, కీర్తి సురేష్, వెన్నెల కిషోర్ కీలక పాత్రలు పోషించారు. ఆగస్ట్ 9న భారీ అంచనాల నడుమ ఈ సినిమా ప్రేక్షకుల ముందుకు రానుంది. ఈ నేపథ్యంలో ప్రమోషన్ కార్యక్రమాల్లో బిజీగా ఉన్న నాగార్జున రకుల్ ప్రీత్ గురించిన ఓ ఆసక్తికర విషయం చెప్పాడు.
చూడటానికి రకుల్ బాగా లేదని తాను అన్నట్లుగా రూమర్స్ వచ్చాయని పేర్కొన్న నాగార్జున.. సెట్స్పై గానీ రియల్ లైఫ్లో గానీ రకుల్ చాలా ఆరోగ్యంగా ఉంటుందని అన్నాడు. అంత హెల్తీగా ఉండే అమ్మాయిని తాను ఇంతవరకూ చూడలేదని, ఈ విషయం అందరికీ చెబుతుంటానని ఆయన పేర్కొన్నాడు. రకుల్ చాలా మంచి నటి అని కితాబిచ్చాడు. ఇక మన్మథుడు 2 సినిమాలో సమంత, కీర్తి సురేశ్ అతిథి పాత్రల్లో కొద్దిసేపు మాత్రమే కనిపిస్తారని నాగ్ వెల్లడించాడు.
ఇప్పటికే విడుదలైన టీజర్, ట్రైలర్, లిరికల్ సాంగ్స్ని బట్టి 'మన్మథుడు 2'లో నాగార్జున, రకుల్ మధ్య రొమాంటిక్ డోస్ ఎలా ఉంటుందనేది చెప్పేశాయి. ఈ చిత్రంలో నాగ్తో రొమాన్స్ చేసేది ఒక్క రకుల్ మాత్రమే కాదు ఇంకా చాలామంది బ్యూటీలు ఉన్నారని కూడా మన్మథుడు 2 అప్డేట్స్ ద్వారా తెలిసింది. అయితే రొమాంటిక్ డోస్తో కుటుంబ కథా నేపథ్యంలో సాగే సినిమా ఇది అని చెబుతోంది చిత్రయూనిట్. భారీ అంచనాల నడుమ ఈ సినిమా ప్రేక్షకుల ముందుకు రానుంది.