అన్నం తిను.. అమ్మను బాధపెట్టకు.. విశాల్‌ ప్రశ్న.. అక్షయ్ కుమార్ జవాబు

శంకర్ డైరెక్టర్ కాదు సైంటిస్ట్

ఈ వేడుకలో అక్షయ్ కుమార్ మాట్లాడుతూ.. శంకర్ జీనియస్ డైరెక్టర్. ఆయన డైరెక్టర్ కాదు.. ఆయన ఓ సైంటిస్ట్. నాకు సినిమాలో పాత్రకు ఎంపిక చేసుకోవడం నాకు గర్వంగా ఉంది. మేకప్ వేసుకోవడానికి 3 గంటలు పట్టేది. షూటింగ్ తర్వాత మేకప్ తీయడానికి గంటన్నర తీసుకొనేది. ఈ సినిమాకు వేసుకొన్నంత మేకప్ నా కెరీర్‌లోనే వేయలేదు. ట్రైలర్ చూస్తే సినిమా ఏంటో తెలుస్తున్నది అని అన్నారు.

మీ ఫిట్‌నెస్ రహస్యం చెప్పండి

ఈ వేడుకలో అక్షయ్ కుమార్‌కు హీరో విశాల్ ఓ ప్రశ్న సంధించారు. మీ ఫిట్‌నెస్ బాగుంది. మీరు ఉదయం 5.30 గంటలకే లేసి జిమ్‌కు వెళ్తారని విన్నాను. ఎంతోకాలంగా ఆ అలవాటును ఎలా కంటిన్యూ చేస్తున్నారు. మీరు నాకు, హీరోలకు స్పూర్తిగా నిలిచారు. మీ ఫిట్‌నెస్ రహస్యం చెప్పండి అంటూ విశాల్ కోరారు.

ప్రతీరోజు సూర్యోదయం చూస్తా

నేను తెల్లవారు జామున 5.30 గంటలకు నిద్రలేవను. నేను 4 గంటలకే నిద్రలేచి జిమ్‌కు వెళ్తాను. ఫిట్ నెస్ కోసం సొంతంగా జిమ్ ఏర్పాటు చేసుకొన్నాను. నా జీవితంలో ఇప్పటి వరకు ప్రతీ రోజు సూర్యోదయాన్ని చూశాను. మా నాన్న ఆర్మీలో పనిచేయడం వలన నాకు ఈ క్రమశిక్షణ అబ్బింది అని అక్షయ్ కుమార్ చెప్పారు.

అన్నం తిను.. అమ్మను సంతోషపెట్టు

విశాల్ ఫిట్‌నెస్ గురించి కూడా నేను విన్నాను. అతడు అన్నం అసలే తినడు అని ఓ ఇంటర్వ్యూలో చదివాను. కేవలం ఇడ్లీ, దోశ మాత్రమే తింటాడట. అన్నం తినకపోవడంపై విశాల్ అమ్మగారు బాధపడుతున్నారని తెలిసింది. అయితే వారంలో ఆదివారం రోజు అన్నం తినాలి. దాంతో మీ అమ్మ సంతోషపడుతుంది అని విశాల్‌కు అక్షయ్ కుమార్ సలహా ఇచ్చారు.