హోమ్

లేటేస్ట్ న్యూస్

మాటల మాంత్రికుడు త్రివిక్రమ్, స్టైలిష్ స్టార్ అల్లు అర్జున్ ఇద్దరూ స్పీడ్ పెంచేశారు. తమ తమ అభిమానులకు సర్‌‌ప్రైజ్ చేస్తూ ఇంట్రెస్టింగ్ అప్‌డేట్ ఇచ్చేశారు. ఈ ఇద్దరి కాంబోలో రాబోతున్న కొత్త సినిమా 'అల.. వైకుంఠపురములో'. ప్రస్తుతం ఈ సినిమా షూటింగ్ శరవేగంగా జరుగుతోంది. అయితే ఓ వైపు షూటింగ్ చేస్తూనే మరోవైపు ప్రమోషన్ కార్యక్రమాలకు శ్రీకారం చుట్టారు త్రివిక్రమ్.

ఈ మేరకు ఇప్పటికే చిత్ర ఫస్ట్ లుక్ పోస్టర్ విడుదల చేసి ఆసక్తి రేకెత్తించిన మాటల మాంత్రికుడు.. చిత్రంలోని మొదటి పాట 'సామజవరగమన' సాంగ్ విడుదలకు ముహూర్తం ఫిక్స్ చేశాడు. ఈ మేరకు సెప్టెంబర్ 28వ తేదీ ఉదయం 10 గంటలకు ఈ పాటను విడుదల చేయనున్నట్లు ప్రకటించారు. కాగా ఈ మెలోడీ సాంగ్‌కి సంబంధించి 20 సెకనుల వీడియోను ఒక రోజు ముందే విడుదల చేసి ఆ తరువాత ఫుల్ సాంగ్ విడుదల చేసేలా స్కెచ్ వేశారు త్రివిక్రమ్.

సీతారామ శాస్త్రి అందించిన లిరిక్స్‌పై సిద్ శ్రీరామ్ 'సామజవరగమన' పాటను ఆలపించగా తమన్ సంగీతం అందించారు. ఎంతో వినసొంపుగా ఉండి ప్రేక్షకులను ఆకట్టుకుంటున్న ఈ పాట ప్రస్తుతం యూట్యూబ్‌లో ట్రెండ్ అవుతోంది. దీంతో ఈ సాంగ్ పై ప్రేక్షకుల్లో క్యూరియాసిటీ పెరిగింది.

Get ur Ear phones ready Guys ♥️🎧 #AVPLFirstSingle 🎹#avplunplugged 🎵#Samajavaragamana
Song from 10 AM
Tom

Sung by @sidsriram
Lyrics by #padmashriseetharamasastry gaaru

My love to my team my director #Trivikram gaaru 🙌🏿@alluarjun ♥️@GeethaArts @haarikahassine pic.twitter.com/wan9zJ5tTp

— thaman S (@MusicThaman) September 27, 2019

వైవిధ్యభరితమైన కథాంశంతో తెరకెక్కుతున్న అల.. వైకుంఠపురములో చిత్రంలో అల్లు అర్జున్‌ సరసన పూజాహెగ్డే హీరోయిన్‌గా నటిస్తోంది. సుశాంత్, నివేదా పేతురాజ్, టబు కీలక పాత్రలు పోషిస్తున్నారు. ఈ సినిమాపై ఇటు త్రివిక్రమ్ అభిమానులు, అటు అల్లు అర్జున్ ఫ్యాన్స్ భారీ అంచనాలు పెట్టుకున్నారు. అల్లు అర్జున్ కెరీర్‌లో 19వ సినిమాగా రాబోతున్న ఈ సినిమా వచ్చే ఏడాది జనవరి నెలలో విడుదల కానుంది.