షాకింగ్: ఒంటి మీద నూలుపోగు లేకుండా గాయాలతో అల్లరి నరేష్

| Published: Monday, January 20, 2020, 10:37 [IST]

టాలీవుడ్‌లో మినిమమ్‌ గ్యారెంటీ హీరోగా పేరుతెచ్చుకున్నారు అల్లరి నరేష్. ఓ కామెడీ హీరోగా అశేష అభిమాన వర్గాన్ని సంపాదించి ఎన్నో సూపర్ హిట్ సినిమాలను తన ఖాతాలో వేసుకున్నాడు. అలాంటి ఈ అల్లరోడు ఇప్పుడు తన కొత్త సినిమాలో న్యూడ్‌గా నటిస్తుండటం సినీ వర్గాల్లో హాట్ టాపిక్ అయింది. వివరాల్లోకి పోతే..

అల్లరి నరేష్.. ప్రయోగాత్మక సినిమా

ఒకప్పుడు ఫుల్‌ ఫాంలో కనిపించి వరుస సినిమాలు చేసిన అల్లరి నరేష్.. ఈ మధ్య తన సినిమాల జోరు తగ్గించాడు. వరుస పరాజయాలు పలకరిస్తుండటంతో టైం గ్యాప్ ఇచ్చి కాస్త డిఫరెంట్ సినిమాలు చేయాలని ప్రయత్నిస్తున్నారు. ఈ మేరకు ఓ ప్రయోగాత్మక సినిమాతో ప్రేక్షకుల ముందుకు వచ్చేందుకు రెడీ అవుతున్నాడు.

అల్లరి నరేష్ కెరీర్‌లో 57వ సినిమా

జెట్‌ స్పీడుతో 50 సినిమాలు పూర్తి చేసిన ఈ యంగ్ హీరో సతీష్ వేగేశ్న నిర్మాణంలో కొత్త సినిమా చేసేందుకు ఓకే చెప్పాడు. విజయ్ కనకమేడల ఈ సినిమాతో దర్శకుడిగా పరిచయం కాబోతున్నాడు. అల్లరి నరేష్ కెరీర్‌లో 57వ సినిమాగా ఈ మూవీ తెరకెక్కనుంది.

'నాంది'.. ప్రారంభోత్సవం

ఈ సినిమాకు డిఫెరెంట్ టైటిల్ ఫిక్స్ చేశారు. 'నాంది' అనే పేరు కన్ఫర్మ్ చేసి ఫస్ట్ లుక్ పోస్టర్ కూడా రిలీజ్ చేశారు. ఈ రోజు (జనవరి 20) హైదరాబాద్‌లో చిత్ర షూటింగ్ ప్రారంభం కానుంది. ఇప్పటికే నరేష్ లుక్ ఒకటి విడుదల చేసిన యూనిట్.. ప్రారంభోత్సవం సందర్భంగా మరో ఇంట్రస్టింగ్ ఫస్ట్‌‌లుక్‌ రిలీజ్ చేశారు.

ఒంటి మీద నూలుపోగు లేకుండా గాయాలతో..

ఈ పోస్టర్‌లో ఒంటి మీద నూలుపోగు లేకుండా గాయాలతో తల కిందులుగా వేళాడుతూ కనిపించాడు అల్లరి నరేష్. ఈ లుక్ చూసి ప్రేక్షకులు షాక్‌ అవుతున్నారు. లుక్ ఇంత డిఫరెంట్‌గా ఉందంటే ఇక సినిమా కథాంశం మరింత డిఫెరెంట్ గా ఉంటుందని చెప్పుకుంటున్నారు. ప్రస్తుతం ఈ ఫస్ట్‌లుక్ పోస్టర్ నెట్టింట వైరల్ అవుతోంది.

నాంది మూవీ విశేషాలు

ఎస్వీ2 ఎంటర్‌టైన్మెంట్‌ బ్యానర్‌పై రూపొందుతున్న ఈ సినిమాలో వరలక్ష్మీ శరత్‌ కుమార్‌, హరీష్‌ ఉత్తమన్‌, ప్రవీన్‌, ప్రియదర్శి, దేవీ ప్రసాద్‌, వినయ్‌ వర్మ కీలక పాత్రలు పోషిస్తున్నారు. శ్రీచరణ్‌ పాకల బాణీలు కడుతున్నారు. త్వరత్వరగా షూటింగ్ ఫినిష్ చేసేస్తామని అంటోంది చిత్రయూనిట్.