అల్లు అర్జున్ ‘ఐకాన్.. కనబడుట లేదు’: దిల్ రాజు ప్రకటన!

ఐకాన్.. కనబడుట లేదు

అల్లు అర్జున్‌తో చేయబోయే చిత్రానికి ‘ఐకాన్' అనే టైటిల్ ఫైనల్ చేశారు. ‘కనబడుట లేదు' అనేది సబ్ టైటిల్. ఈ మేరకు చిత్ర బృందం అపీషియల్ పోస్టర్ విడుదల చేసింది. అల్లు అర్జున్‌తో కలిసి 4వ ప్రాజెక్ట్ చేయబోతున్నందుకు సంతోషంగా ఉంది అని పేర్కొన్నారు.

దిల్ రాజు ఫుల్ హ్యాపీ

‘డిజె-దువ్వాడ జగన్నాధం' తర్వాత బన్నీతో మరో సినిమా చేయడానికి దిల్ రాజు ట్రై చేస్తున్నారు. అయితే సరైన స్క్రిప్టు కుదరక పోవడంతో తన ప్రయత్నాలు వాయిదా వేస్తూ వస్తున్నారు. వేణు శ్రీరామ్ బన్నీకి పర్ఫెక్టుగా సెట్టయ్యే కథ తయారు చేయడంతో దిల్ రాజు వెంటనే ఈ ప్రాజెక్ట్ ఫైనల్ చేయించారు. అంతే కాదు... బన్నీకి సరిపోయే కథ రాసినందుకు ఖరీదైన కారును కూడా దర్శకుడికి గిఫ్టుగా అందించారు.

‘ఐకాన్' మొదలయ్యేది ఎప్పుడు?

అల్లు అర్జున్ ఆల్రెడీ త్రివిక్రమ్, సుకుమార్ సినిమాలకు కమిట్మెంట్స్ ఇచ్చేశాడు. ఈ రెండు ప్రాజెక్టులు పూర్తయిన తర్వాత వేణు శ్రీరామ్-అల్లు అర్జున్ మూవీ ‘ఐకాన్.. కనబడుట లేదు' సెట్స్ మీదకు వెళ్లే అవకాశం ఉంది. త్వరలోనే ఈ మూవీకి సంబంధించిన పూర్తి వివరాలు వెల్లడి కానున్నాయి.

అల్లు అర్జున్

‘నా పేరు సూర్య' తర్వాత అల్లు అర్జున్ దాదాపు సంవత్సరం గ్యాప్ తీసుకున్నారు. అతడి చేయబోయే నెక్ట్స్ మూవీ త్రివిక్రమ్ దర్శకత్వంలో ఈ నెలలోనే లాంచ్ కాబోతోంది. హారిక అండ్ హాసిని క్రియేషన్స్, గీతా ఆర్ట్స్ బేనర్లో ఎస్ రాధాకృష్ణ, అల్లు అర్జున్ సంయుక్తంగా నిర్మించబోతున్నారు.