Allu Arjun Birthday: అల్లు అర్జున్ బర్డ్ డే స్పెషల్..AA22XA6 సినిమా గురించి క్రేజీ న్యూస్!

పుష్ప 2 తర్వాత ఐకాన్ స్టార్ అల్లు అర్జున్, సెన్సేషనల్ డైరెక్టర్ అట్లీ కాంబినేషన్‌లో వస్తున్న చిత్రంపై భారీ అంచనాలు నెలకొన్నాయి. ఈ సినిమా టైటిల్, ఫస్ట్ లుక్ అంటూ ఎదురు చూస్తున్న స్టైలిష్ స్టార్ అభిమానులకు చిత్ర యూనిట్ శుభవార్తను అందించింది. అల్లు అర్జున్ పుట్టిన రోజును పురస్కరించుకొని తన ఫ్యాన్స్‌కు క్రేజీ అప్ డేట్ ఇచ్చేందుకు మూవీ టీమ్ రెడీ అవుతున్నది. ఈ సినిమా గురించి అప్ డేట్, ఇతర విశేషాల వివరాల్లోకి వెళితే..

అల్లు అర్జున్ కెరీర్‌లో 22వ చిత్రంగా రూపొందుతున్న (AA22XA6) ఈ చిత్రంలో దీపిక పదుకోన్, మృణాల్ థాకూర్, రష్మిక మందన్న, జాన్వీ కపూర్, రమ్యకృష్ణన్, జిమ్ సరబ్, యోగిబాబు తదితరులు నటిస్తున్నారు.

ఈ సినిమాను కళానిధి మారన్, అశోక్ నారాయణన్ నిర్మాతలుగా వ్యవహరిస్తున్నారు. ఈ సినిమాకు సాయి అభ్యంకర్ మ్యూజిక్ డైరెక్టర్‌గా, జీకే విష్ణు సినిమాటోగ్రాఫర్‌గా, ఆంథోని ఎల్ రుబెన్ ఎడిటర్‌గా వ్యవహరిస్తున్నారు. ఈ సినిమా ఇప్పటికే పాన్ ఇండియా లెవెల్‌లో అంచనాలు పెంచేసుకొన్నది.

అయితే ఏప్రిల్ 8వ తేదీన అల్లు అర్జున్ బర్త్ డే సందర్భంగా అభిమానులకు మంచి న్యూస్ అందించేందుకు చిత్ర యూనిట్ ప్లాన్ చేసింది. ఈ సినిమా టైటిల్ రివీల్, అలాగే అల్లు అర్జున్ ఫస్ట్ లుక్‌ను, మోషన్ పోస్టర్‌ను రిలీజ్ చేసేందుకు ప్లాన్ చేస్తున్నట్టు నిర్మాత బన్నీ వాసు వెల్లడించారు. ఈ సినిమా స్పెషల్ ప్రాజెక్ట్ కావడం వల్ల అన్ని విషయాలను సీక్రెట్‌గా పెట్టి మూవీపై క్యూరియాసిటినీ పెంచుతున్నాం అని ఆయన తెలిపారు.

ఇక ఈ సినిమాకు ఐరన్ మ్యాన్, స్పైడర్ మ్యాన్ చిత్రాలకు పనిచేసిన హాలీవుడ్ టెక్నిషియన్స్ పనిచేస్తున్నారు. AA22XA6 వర్కింగ్ టైటిల్‌తో సినిమా పీ ప్రొడక్షన్ పనులు అట్టహాసంగా ప్రారంభించారు. గ్రాఫిక్ వర్క్, వీఎఫ్ఎక్స్ ఎక్కువగా ఉపయోగిస్తున్న ఈ మూవీ కోసం స్పైడర్ మ్యాన్ ఆర్ట్ డైరెక్టర్ జోస్ ఫెర్నాండెజ్, ఐరన్ మ్యాన్ VFX సూపర్‌వైజర్ జేమ్స్ మడిగన్, ఆర్టిస్టిక్ డైరెక్టర్, ఆస్కార్ అవార్డు నామినీ మైక్ ఎలిజల్డీ, అక్వామెన్ మూవీ ఆర్టిస్టిక్ డైరెక్టర్ జస్టిన్ తదితరులు పనిచేస్తున్నారు.