బన్నీ ఆధ్వర్యంలోనే గీత గోవిందం సంబరాలు!

విజయ్ దేవరకొండ నటించిన తాజా చిత్రం గీత గోవిందం తొలి షో నుంచే పాజిటివ్ టాక్ తో దూసుకుపోతోంది. బాక్స్ ఆఫీస్ వద్ద కనక వర్షం కురిపిస్తోంది. అల్లు అరవింద్, బన్నీ వాసు ఈ చిత్రాన్ని నిర్మించారు. విజయ్ దేవరకొండ, రష్మిక మందన ఈ చిత్రంలో జంటగా నటించారు. వీరిద్దరి కెమిస్ట్రీకి యువత ఫిదా అవుతున్నారు.

ఇదిలా ఉండగా ఈ చిత్ర సక్సెస్ సెలెబ్రేషన్స్ స్టైలిష్ స్టార్ అల్లు అర్జున్ ఆధ్వర్యంలో జరగబోతున్నట్లు తెలుస్తోంది. బన్నీ స్వయంగా ఈ సెలెబ్రేషన్స్ జరిపించబోతున్నాడట. బన్నీ వాసు, అల్లు అర్జున్ బాగా సన్నిహితులు. తన స్నేహితుడు నిర్మించిన చిత్రం విజయం సాధించడంతో బన్నీ ఈ నిర్ణయం తీసుకున్నట్లు తెలుస్తోంది.

పరశురామ్ ఈ చిత్రానికి దర్శకుడు. ఆడియో వేడుకకు కూడా బన్నీ ముఖ్య అతిధిగా హాజరైన సంగతి తెలిసిందే. గీత గోవిందం చిత్రం రొమాంటిక్ ఎంటర్ టైనర్ గా ప్రతి ఒక్కరిని అలరిస్తోంది.