విడుదల తేదీ ఖరారు చేసుకున్న అల్లు శిరీష్ 'ఎబిసిడి'!

మెగా హీరో అల్లు శిరీష్ ఈ సారి 'ఎబిసిడి' అంటూ రాబోతున్నాడు. ఎబిసిడి అనేది మలయాళంలో ఘనవిజయం సాధించిన చిత్రం. ఈ చిత్రాన్ని తెలుగులో రీమేక్ చేస్తున్నారు. ఎబిసిడి.. అమెరికన్ బార్న్ కన్ఫ్యూజ్డ్ దేశీ అనేది ఉపశీర్షిక. ఈ చిత్రానికి రాజీవ్ రెడ్డి దర్శత్వం వహిస్తున్నారు. రుక్సార్ దిల్లోన్ ఈ చిత్రంలో హీరోయిన్ గా నటిస్తోంది. శ్రీరస్తు శుభమస్తు చిత్రంతో విజయం అందుకున్న శిరీష్ తదుపరి చిత్రాల విషయంలో ఆచితూచి అడుగులు వేస్తున్నాడు.

ఎబిసిడి చిత్రం ఇప్పటికే రెండుసార్లు వాయిదా పడింది. వాస్తవానికి ఈ చిత్రం మార్చిలోనే విడుదల కావాల్సింది. అనుకోని కారణాల వల్ల ఏప్రిల్ కు వాయిదా వేశారు. ఈ చిత్రం ఏప్రిల్ 12న విడుదలవుతుండగా ప్రచారం జరిగింది. ఆ తేదీ కూడా వాయిదా పడింది. తాజాగా చిత్ర యూనిట్ ఎబిసిడి కొత్త విడుదల తేదీని అధికారికంగా ప్రకటించింది. మే 17న ఈ చిత్రాన్ని విడుదల చేయనున్నట్లు అల్లు శిరీష్ ట్విట్టర్ లో ప్రకటించాడు.

త్వరలో థియేట్రికల్ ట్రైలర్ కూడా విడుదల చేయనున్నట్లు శిరీష్ తెలిపాడు. వెంకీ, రెడీ లాంటి చిత్రాల్లో చైల్డ్ ఆర్టిస్ట్ గా నటించిన మాస్టర్ భరత్ ఈ చిత్రంలో అల్లు శిరీష్ ఫ్రెండ్ పాత్రలో నటిస్తుండడం విశేషం. మలయాళీ చిత్రం ఎబిసిడిలో దుల్కర్ సల్మాన్ హీరోగా నటించాడు. అక్కడ ఎబిసిడి ఘనవిజయం సాధించింది.