అల్లు శిరీష్ ఈ సారైనా హిట్టు కొట్టాడా? ‘ఎబిసిడి’ టాక్ ఎలా ఉంది?

సినిమాలో వినోదాత్మక అంశాలు లోపించాయాట

సినిమాలో వినోదాత్మక అంశాలు లోపించాయని, చాలా వరకు సినిమా బోరింగ్‌గా ఉందనే అభిప్రాయాలు వ్యక్తం అవుతున్నాయి. అక్కడక్కడ కొన్ని కామెడీ సీన్లు ఉన్నప్పటికీ అవి ప్రేక్షకులను అలరించలేదని, ఎమోషనల్ సీన్లు కూడా పెద్దగా ఆకట్టుకోలేదని, ప్రతి అంశం అసహజంగా కనిపిస్తోందనే టాక్ వినిపిస్తోంది.

క్రిటిక్స్ నుంచి యావరేజ్ రేటింగ్

ఆడియన్స్ నుంచి మాత్రమే కాదు.. క్రిటిక్స్ నుంచి కూడా ఈ చిత్రానికి యావరేజ్ రేటింగ్సే వస్తున్నాయి. నిర్మాణ విలువలు బాగోలేవని, కాస్టింగ్ కూడా సరిగా లేదనే అభిప్రాయాలు వ్యక్తం అవుతున్నాయి. మలయాళంలో ఇది హిట్ మూవీ అయినప్పటికీ రీమేక్ పెర్ఫెక్టుగా చేయలేకపోయారని అంటున్నారు.

ఫర్వాలేదనే అభిప్రాయాలు కూడా...

మరికొందరు మాత్రం ఈచిత్రం ఫస్టాఫ్ ఫర్వాలేదనే అభిప్రాయాలు వ్యక్తం చేస్తున్నారు. కామెడీ చాలా బావుందని అంటున్నారు. ముఖ్యంగా అల్లు శిరీష్, భరత్ మధ్య వచ్చే సన్నివేశాలు ఆసక్తికరంగా ఉన్నట్లు చెబుతున్నారు. జస్ట్ టైమ్ పాస్ సింపుల్ ఎంటర్టెనర్ అనే అభిప్రాయం వ్యక్తం చేశారు.

ఈసారైనా హిట్టు కొడతాడా?

కొందరు ఫస్టాఫ్ కామెడీ నచ్చిందనే అభిప్రాయాలు వ్యక్తం చేయడంతో మెగా అభిమానుల్లో సినిమాపై ఆసక్తి నెలకొని ఉంది. కాస్త గుడ్ టాక్ వచ్చినా ఈ చిత్రం గట్టెక్కుతందని అంచనా వేస్తున్నారు. మరి శిరీష్ ఈసారైనా హిట్టు కొడతాడా? లేదా? అనేది శుక్రవారం సాయంత్రానికి ఓ క్లారిటీ రానుంది.

ఎబిసిడి

మలయాళంలో సూపర్ సక్సెస్ అందుకున్న ఏబీసీడీ చిత్రాన్ని తెలుగులో అదే పేరుతో రీమేక్ చేశారు. మలయాళంలో దుల్కర్ సల్మాన్ పోషించిన పాత్రను తెలుగులో శిరీష్ పోషించాడు. కన్నడ మ్యూజిక్ డైరెక్టర్ జుధా సాంధీ సంగీతం అందించారు. మధుర శ్రీధర్, యష్ రంగినేని నిర్మాతలు.