అది సికింద్రాబాద్ కాదు సింగపూర్.. సరిలేరు మేనియాను చూపిస్తోన్న నిర్మాత

దాదాపు 80శాతం థియేటర్లలో..

భరత్ అనే నేను, మహర్షి వంటి చిత్రాలు చేసి క్లాస్ లుక్‌లో కనిపించిన మహేష్.. మాస్ అవతారమెత్తి సరిలేరులో విజృంభించాడు. రిలీజ్‌కు ముందే సోషల్ మీడియాలో సెన్సేషన్ స‌ృష్టించిన సరిలేరు నీకెవ్వరు చిత్రాన్ని తెలుగు రాష్ట్రాల్లోని దాదాపు 80 శాతం థియేటర్లలో విడుదల చేశారు. సోలో రిలీజ్ కావడం పోటీకి ఏ చిత్రం లేకపోవడంతో ఫస్ట్ డే కలెక్షన్లో రికార్డులు క్రియేట్ చేసేలా కనిపిస్తోంది.

ఓవర్సీస్‌లోనూ భారీ ఎత్తున...

ఓవర్సీస్‌లోనూ ఈ చిత్రాన్ని భారీ ఎత్తున విడుదల చేశారు. ఓవర్సీస్‌లో మిలియన్ డాలర్ల మార్క్‌ను సాధించేందుకు ఇప్పటికీ ఎంతో మంది ప్రయత్నిస్తుండగా.. కేవలం ప్రీమియర్స్, ఫస్ట్ డే కలెక్షన్లతో ఆ మార్క్‌ను అవలీలగా దాటేయనున్నట్లు తెలుస్తోంది. కేవలం యూస్‌లోనే కాకుండా.. సింగపూర్, దుబాయ్ లాంటి దేశాల్లోనూ మహేష్ మ్యానియా కొనసాగుతోంది. దీనికి ఉదాహరణంగా ఓ వీడియోను పోస్ట్ చేశాడు నిర్మాత.

సింగపూర్‌లోనూ హల్ చల్..

సింగపూర్‌లోని ఓ థియేటర్‌లో ఉన్న క్రౌడ్‌ను చూపిస్తూ.. ఇది సికింద్రాబాద్ కాదు.. సింగపూర్ అంటూ వీడియోను పోస్ట్ చేస్తూ ట్వీట్ చేశాడు. ఇదే సూపర్ స్టార్ రేంజ్ అన్నట్టుగా చేసిన పోస్ట్ సోషల్ మీడియాలో వైరల్ అవుతోంది.

బొమ్మ బ్లాక్ బస్టర్..

తాను నిర్మించిన చిత్రం సరిలేరు నీకెవ్వరు బ్లాక్ బస్టర్ కావడంతో నిర్మాత అనిల్ సుంకర ఫుల్ హ్యాపీగా ఉన్నట్లు తెలుస్తోంది. ఈ మేరకు సోషల్ మీడియాలో ఫుల్ యాక్టివ్‌గా సరిలేరుకు సంబంధించిన పోస్ట్‌లు పెడుతున్నాడు. ఇంతకు ముందు కృష్ణ రియాక్షన్ పెట్టగా అది కూడా వైరల్ అయింది.