Don't Miss!
- Finance Amitabh Kant: 2047 నాటికి 35 ట్రిలియన్ డాలర్ల ఆర్థిక వ్యవస్థగా భారత్..
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Automobiles ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- News ఎన్నికల వేళ ధర్మవరం లో నువ్వా -నేనా, సై..!!
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
అంజలి, లక్ష్మీరాయ్ కాంబినేషన్లో ‘ఆనందభైరవి’
హీరోయిన్ అంజలి ప్రధాన పాత్రలో త్వరలో మరో చిత్రం ప్రారంభం కాబోతోంది. 'ఆనందభైరవి' టైటిల్తో రూపొందనున్న ఈ చిత్రంలో లక్ష్మీరాయ్ ప్రత్యేక పాత్ర పోషించబోతున్నారు. యువ దర్శకుడు కర్రి బాలాజీ దర్శకత్వంలో హరేవన్ ఎంటర్టైన్మెంట్స్ పతాకంపై రమేశ్రెడ్డి ఇటికెల ఈ చిత్రాన్ని నిర్మించనున్నారు.
ఈ సినిమా గురించి నిర్మాత రమేశ్రెడ్డి మాట్లాడుతూ దర్శకుడు చెప్పిన కథ నాకు బాగా నచ్చింది. ప్రేక్షకులు కోరుకొనే అన్ని అంశాలూ అందులో ఉంటాయి. డిసెంబర్లో ఈ చిత్రాన్ని లాంఛనంగా షూటింగ్ ప్రారంభించి, జనవరి నుండి రెగ్యులర్ షూటింగ్ జరిపేందుకు ప్లాన్ చేస్తున్నట్లు తెలిపారు. అంజలికి జోడీగా ఒక యువ హీరోను ఎంపిక చేయబోతున్నట్లు తెలిపారు.
దర్శకుడు కర్రి బాలాజీ మాట్లాడుతూ సమాజంలో జరిగిన ఓ సంఘటన ఆధారంగా ఈ చిత్రం రూపుదిద్దుకొంటుంది. హైదరాబాద్, వైజాగ్, కేరళలోని పలు అందమైన లొకేషన్లలో షూటింగ్ చేస్తాం. వినోదం, ఉల్లాసం ఉంటూ ఉత్కంఠభరితంగా సినిమా సాగుతుంది. ముఖ్యంగా అంజలి పాత్ర ప్రతి ఇంట్లో ఉండే అమ్మాయిని గుర్తు చేసేలా ఉంటుంది అని చెప్పారు.
అంజలి మాట్లాడుతూ దర్శకుడు చెప్పిన కథ నచ్చి ఈ సినిమా చేస్తున్నాను. తొలిసారిగా యాక్షన్ పాత్ర పోషిస్తున్నాను. సినిమాలోని యాక్షన్ సన్నివేశాల కోసం ప్రత్యేకంగా శిక్షణ తీసుకుంటున్నాను అని చెప్పారు.
సినిమాలో ప్రత్యేక పాత్ర పోషిస్తున్న లక్ష్మీరాయ్ మాట్లాడుతూ.. 'ఇందులో నేను ఛాలెంజింగ్ రోల్ చేస్తున్నాను. ఇంతవరకూ నేను చేసిన పాత్రలకు భిన్నంగా ఉంటుంది. నటించడానికి బాగా స్కోప్ ఉన్న పాత్ర చేస్తున్నందుకు ఆనందంగా ఉంది అన్నారు.
రవికిషన్, బాహుబలి ప్రభాకర్, ధన్రాజ్, సత్యం రాజేశ్, ఆశిష్ విద్యార్ధి, బ్రహ్మాజీ, శ్రీహర్ష తదితరులు నటించే ఈ చిత్రానికి స్క్రిప్ట్ కో-ఆర్డినేటర్: మధు వనపర్తి, సంగీతం: మణిశర్మ, ఛాయాగ్రహణం: పి.జి.విందా, ఎడిటింగ్: చోటాకె. ప్రసాద్, ప్రొడక్షన్ ఎగ్జిక్యూటివ్: పరిటాల రాంబాబు, ఎగ్జిక్యూటివ్ ప్రొడ్యూసర్: సురేశ్బాబు దత్తి, నిర్మాత: రమేశ్రెడ్డి ఇటికెల, కథ, స్ర్కీన్ప్లే, దర్శకత్వం: కర్రిబాలాజీ.