ఒంటినిండా గాయాలతో రానా.. దగ్గుబాటి వారసుడి ఉగ్రరూపం! దాని కోసం బిగ్ ఫైట్

| Published: Tuesday, February 11, 2020, 10:58 [IST]

టాలీవుడ్ యంగ్ హీరో దగ్గుబాటి రానా సినీ జర్నీ ఆసక్తికరంగా ఉంది. పాత్ర నిడివితో సంబంధం లేకుండా, భాషా బేధం లేకుండా విలక్షణ కథాంశాలను ఎంచుకుంటూ దూసుకెళ్తున్నాడు ఈ హీరో. బాహుబలి సినిమాలో భళ్లాలదేవగా నటించి దేశవ్యాప్త క్రేజ్ సంపాదించిన రానా.. అదే రేంజ్‌లో 'అరణ్య' సినిమాతో క్రెడిట్ కొట్టేయాలని చూస్తున్నాడు.

'అరణ్య' మూవీ.. దగ్గుబాటి రానా లీడ్ రోల్

పాన్ ఇండియా మూవీగా తెరకెక్కుతున్న 'హాథీ మేరే సాథీ'. తెలుగులో ఈ సినిమాను 'అరణ్య' పేరుతో విడుదల చేయబోతున్నారు. ఇందులో దగ్గుబాటి రానా లీడ్ రోల్ పోషిస్తున్నాడు. అయితే తాజాగా ఈ చిత్రం నుంచి రానా ఫస్ట్ లుక్ రిలీజ్ చేసి సర్‌ప్రైజ్ చేసింది చిత్రయూనిట్. ఇదే సినిమాను తమిళంలో ‘కాదన్‌'గా ప్రేక్షకుల ముందుకు తెస్తున్నారు. ఈ మేరకు తెలుగు, తమిళ, హిందీ భాషల్లో పోస్టర్స్ రిలీజ్ చేశారు మేకర్స్. ఈ పోస్టర్స్‌లో భళ్లాలదేవకు బాబులా కనిపిస్తున్నాడు దగ్గుబాటి రానా.

ఒంటినిండా గాయాలతో రానా.. ఉగ్రరూపం

గుబురు గడ్డం, ఒంటినిండా గాయాలతో అడవి జంతువుల మధ్య ఉగ్రరూపం దాల్చిన రానా ప్రేక్షకుల ముందుంచి ఈ సినిమాపై భారీ హైప్ క్రియేట్ చేశారు.
ప్రభు సోలోమాన్ దర్శకత్వంలో రూపొందుతున్న ఈ చిత్రంలో రానాతో పాటు జోయా హుస్సేన్‌, శ్రియా పిలగోన్కర్‌, పుల్‌కిత్‌ సామ్రాట్‌, విష్ణు విశాల్‌ కీలక పాత్రల్లో నటిస్తున్నారు.

స్వార్థం కోసం ఇలా.. ధైర్యంగా ఎదురిస్తూ

నేటి సమాజంలో మానవుల స్వార్థం కోసం అడవులను ఆక్రమించడం, సహజ వనరులను నాశనం చేయడం జరుగుతోంది. దీంతో అడవి జంతువుల మనుగడకు ముప్పు వాటిల్లుతుంది. మనిషి స్వార్ధం వలన ఏనుగులు మనుగడ కోల్పోయే పరిస్థితి వస్తే దానిని ధైర్యంగా ఎదిరించిన వ్యక్తి కథగా 'అరణ్య' మూవీ తెరకెక్కింది.

ఇప్పటికే ఆలస్యమైంది.. బిగ్ ఫైట్

''ఈ సినిమా మూడేళ్ళుగా షూటింగ్ జరుపుకుంటోంది. కానీ దేశవ్యాప్తంగా ఇప్పుడు రిలీజ్‌కి రెడీ అయ్యాం. మీ ఎదురుచూపులను మరిపించేలా విలువైన ఫలితం మీరే చూస్తారు. అరణ్యాలను కాపాడుకునేందుకు ఇది బిగ్ ఫైట్'' అంటూ రానా 'అరణ్య' పోస్టర్ ట్విట్టర్ వేదికగా షేర్ చేశారు.

'అరణ్య' మూవీ

ఏరోస్ ఇంటర్నేషనల్ సంస్థ నిర్ణిస్తున్న ఈ సినిమాకు ఆస్కార్‌ విజేత రసూల్‌ సౌండ్‌ ఇంజినీర్‌గా పనిచేయడం విశేషం. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం పోస్డ్ ప్రొడక్షన్స్ పనులతో బిజీగా ఉంది. అన్ని భాషల్లో ఏప్రిల్‌ 2న ఈ సినిమాను విడుదల చేయబోతున్నారు. మరోవైపు రానా తన 'విరాటపర్వం' సినిమాతో బిజీగా ఉన్నాడు.

Comments

English summary

Rana Daggubati’s upcoming movie Aranya. The filmmakers have zeroed in on a release date with Rana's first look. The film will hit screens worldwide on April 2, 2020.

Story first published: Tuesday, February 11, 2020, 10:58 [IST]

Other articles published on Feb 11, 2020