యూఎస్‌లో అరవింద సమేత హంగామా! అడ్వాన్స్ బుకింగ్ షురూ..

ఎన్టీఆర్, త్రివిక్రమ్ కలయికలో వస్తున్న చిత్రం అరవింద సమేత.. వీర రాఘవ. రాయలసీమ ఫ్యాక్షన్ కథా నేపథ్యంగా తెరకెక్కిన ఈ చిత్రం అక్టోబర్ 11న రిలీజ్ కానున్నది. హాసిని, హారిక బ్యానర్‌పై రూపొందిన ఈ చిత్రంలో ఎన్టీఆర్ సరసన పూజా హెగ్డే, ఇషా రెబ్బా హీరోయిన్లుగా నటించారు. ఈ చిత్రానికి సంబంధించిన ప్రీమియర్లు రిలీజ్‌కు ఒకరోజు ముందే అమెరికాలో ప్రదర్శించనున్నారు.

అక్టోబర్ 10వ తేదీన ప్రీమియర్ల కోసం అడ్వాన్స్ బుకింగ్ మొదలైంది. టైగర్ సత్తా, దూకుడును చూడటానికి సిద్ధంకండి అంటూ పోస్టర్‌ను రిలీజ్ చేశారు.

అరవింద సమేత చిత్రం టికెట్ల కోసం ఆఫర్లు భారీగా ప్రకటించారు. నాలుగు టికెట్లు కొంటే ఒక టికెట్ ఫ్రీ అని 5 డాలర్లు డిస్కౌంట్ అని పోస్టర్లలో తెలిపారు.