హోమ్

లేటేస్ట్ న్యూస్

టాలీవుడ్ చిత్రసీమలో మరో సినీ వారసుడి ఎంట్రీకి రంగం సిద్ధమైంది. సూపర్ స్టార్ మహేష్ బాబు బావ, ప్ర‌ముఖ వ్యాపార‌వేత్త‌ గ‌ల్లా జయదేవ్ కుమారుడు అశోక్ గ‌ల్లా హీరోగా గ్రాండ్ ఎంట్రీ ఇవ్వబోతున్నాడు. శ్రీరామ్ ఆదిత్య దర్శకత్వంలో తెరకెక్కబోతున్న ఈ సినిమాలో హీరోయిన్‌ని కూడా కన్ఫర్మ్ చేసేశారు.

ఈ చిత్రంలో అశోక్ గ‌ల్లా సరసన ఇస్మార్ట్ బ్యూటీ నిధి అగర్వాల్‌ని ఫైనల్ చేశారు. ఇటీవలే ఇస్మార్ట్ శంకర్ సినిమాతో భారీ హిట్ సాధించి యూత్ ఆడియన్స్‌ని బుట్టలో వేసుకున్న ఈమె అయితేనే సినిమాకు ప్లస్ అవుతుందని భావించిన దర్శకనిర్మాతలు నిధిని సంప్రదించగా ఆమె ఓకే చెప్పేసింది. దీంతో తెలుగులో నిధి తదుపరి సినిమా కూడా కన్ఫర్మ్ అయింది.

అమ‌ర్‌రాజా మీడియా అండ్ ఎంట‌ర్‌టైన్‌మెంట్ బ్యాన‌ర్‌పై తెరకెక్కనున్న ఈ సినిమాను హైద‌రాబాద్ రామానాయుడు స్టూడియోలో ప్రారంభించనున్నారు. నవంబ‌ర్ 10న పలువురు సినీ ప్ర‌ముఖుల స‌మ‌క్షంలో గ్రాండ్ లాంచ్‌కానుంది.
యూత్ ఆడియన్స్‌కి కనెక్ట్ అయ్యే డిఫ‌రెంట్ ఎంట‌ర్‌టైన‌ర్‌గా ప‌ద్మావ‌తి గ‌ల్లా నిర్మాతగా ఈ సినిమా రూపొందనుంది.

న‌రేశ్‌, స‌త్య‌, అర్చ‌నా సౌంద‌ర్య ఇత‌ర ప్ర‌ధాన పాత్ర‌ల్లో న‌టిస్తున్న ఈ చిత్రానికి జిబ్రాన్ సంగీతం అందించనుండగా, రిచ‌ర్డ్ ప్ర‌సాద్ సినిమాటోగ్ర‌ఫీ అందిస్తున్నారు. చూడాలి మరి ఇస్మార్ట్ బ్యూటీతో అశోక్ గ‌ల్లా మొదటి అడుగు ఎంత మేర విజయం సాధిస్తుందనేది.