Don't Miss!
- Sports చరిత్ర సృష్టించిన స్టొయినిస్.. సెహ్వాగ్ రికార్డు బ్రేక్!
- News మేనిఫెస్టోను ప్రజల్లోకి తీసుకెళ్లేలా మరింత ఉధృతంగా వైఎస్ జగన్ చివరి విడత ప్రచారం
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
బాబాయ్తో సమరానికి సిద్దమవుతున్న అబ్బాయ్.. 'ఎంతమంచి వాడవురా'
ఓ పక్క బాబాయ్ జోరుగా షూటింగ్లో పాల్గొంటుంటే.. మరో పక్క అబ్బాయ్ వేగంగా తన సినిమా కంప్లీట్ చేస్తున్నాడు. ఇద్దరూ సంక్రాంతి సమరానికి సై అంటున్నారు. ఇప్పటికే అర్థమై ఉంటుంది ఆ బాబాయ్, అబ్బాయ్ ఎవరనేది. అదేనండీ నందమూరి బాలకృష్ణ, నందమూరి కళ్యాణ్ రామ్. ఈ ఇద్దరూ సంక్రాంతినే టార్గెట్ చేసి బరిలోకి దిగారు.
నందమూరి బాలకృష్ణ హీరోగా కెఎస్ రవికుమార్ దర్శకత్వంలో తెరకెక్కుతున్న సినిమా ఇటీవలే రెగ్యులర్ షూటింగ్ ప్రారంభించుకుంది. ఈ సినిమా సంక్రాంతి కానుకగా విడుదల కానుందని సమాచారం. మరోవైపు నందమూరి కళ్యాణ్ రామ్ కొత్త సినిమా 'ఎంతమంచి వాడవురా' శరవేగంగా షూటింగ్ జరుపుకుంటోంది. జులై 31 వ తేదీన రెగ్యులర్ షూట్ ప్రారంభించుకొని ఆగస్టు 17న తొలి షెడ్యూల్ పూర్తి చేసుకుంది. ఇక ఆగస్ట్ 26 నుండి సెప్టెంబర్ 22 వరకు రెండో షెడ్యూల్ను తణుకు, రాజమండ్రి పరిసర ప్రాంతాల్లో చిత్రీకరించనున్నారు మేకర్స్.
అయితే 'ఎంతమంచి వాడవురా' సినిమాను సంక్రాంతి కానుకగా విడుదల చేస్తామని తాజాగా చిత్రయూనిట్ ప్రకటించడంతో బాబాయ్తో సమరానికి అబ్బాయ్ రెడీ అయ్యాడని చెప్పుకుంటున్నారు ప్రేక్షకులు. ఉమేష్ గుప్త సమర్పణలో సతీష్ వేగేశ్న దర్శకత్వం 'ఎంతమంచి వాడవురా' సినిమా రూపుదిద్దుకుంటోంది. చిత్రంలో కళ్యాణ్ రామ్ సరసన మెహ్రీన్ హీరోయిన్ గా నటిస్తోంది. కళ్యాణ్ రామ్ కెరీర్ లో ఇది 17 వ సినిమా. చిత్రానికి గోపిసుందర్ సంగీతం బాణీలు కడుతున్నారు. నందమూరి కళ్యాణ్ రామ్ పుట్టినరోజు కానుకగా అభిమానులను సర్ప్రైజ్ చేస్తూ ఎంత మంచివాడవురా! సినిమా టైటిల్ పోస్టర్, వీడియో విడుదల చేయగా మంచి రెస్పాన్స్ తెచ్చుకున్నాయి.