Don't Miss!
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- News ఇంటర్ కళాశాలకు వేసవి సెలవులు...ఎప్పటినుంచంటే..?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Sports SRH Playing XI: ఆ బౌలర్పై వేటు.. గుజరాత్తో తలపడే సన్రైజర్స్ హైదరాబాద్ తుది జట్టు ఇదే!
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
బాలయ్య ఆన్ డ్యూటీ.. స్పెషల్ వెహికల్లో హిందూపూర్కి కోవిడ్ కిట్స్!
నందమూరి బాలకృష్ణ ఒకపక్క సినిమాల్లో రాణిస్తూనే మరోపక్క రాజకీయాల్లో కూడా యాక్టివ్ గా ఉంటున్న సంగతి తెలిసిందే. ఆయన ప్రస్తుతం ఆంధ్రప్రదేశ్ లో ప్రతిపక్ష పార్టీ తెలుగుదేశం తరఫున హిందూపురం నియోజకవర్గం నుంచి ఎమ్మెల్యేగా ప్రాతినిధ్యం వహిస్తున్నారు.. రాష్ట్రమంతా జగన్ గాలి వీచినా సరే హిందూపురం నియోజకవర్గంలో మాత్రం భారీ మెజారిటీతో బాలకృష్ణ గెలుపొందారు.. అందుకే తన నియోజకవర్గం ప్రజలకు ఎప్పుడు ఎలాంటి అవసరం వచ్చినా ఆయన అక్కడి వారికి అండగా నిలబడుతూ ఉంటారు. తాజాగా బాలకృష్ణ మరోసారి తన గొప్ప మనసు చాటుకున్నారు.
హిందూపురం నియోజకవర్గంలో కరోనా బారిన పడిన వారి కోసం ఆయన హైదరాబాద్ నుంచి ప్రత్యేక వాహనంలో కరోనా కిట్స్ పంపించినట్లు సమాచారం. హైదరాబాద్ నుంచి ప్రత్యేక వాహనంలో హిందూపురం ఎమ్మెల్యే బాలకృష్ణ నివాసానికి దాదాపు రెండు వేల కరోనా కిట్స్ పంపారని అంటున్నారు. కోవిడ్ పాజిటివ్ ఉన్న దాదాపు రెండు వేల మందికి ఉచితంగా ఈ మందులు పంపిణీ చేస్తామని కొద్ది రోజుల క్రితం బాలకృష్ణ ప్రకటించారు. పదకొండు వందల రూపాయల ఖరీదు చేసే ఈ మెడికల్ కిట్లు దాదాపు 2000 హిందూపురానికి చేరుకోవడంతో బాలకృష్ణ నివాసం వద్ద కోవిడ్ బాధితుల బంధువులకు అందజేశారు.
కోవిడ్ పాజిటివ్ వచ్చిన వారి ఆధార్ కార్డు, పాజిటివ్ రిపోర్ట్ చూపించి ఆ వ్యక్తి బంధువులు గాని స్నేహితులు గాని వచ్చి 14 రోజులకు సరిపడా ఉండే ఈ కిట్ ను పొందవచ్చని ఎమ్మెల్యే కార్యాలయం ఒక అధికారిక ప్రకటనలో తెలిపింది. ఇక ఇవి పూర్తిగా నందమూరి బాలకృష్ణ వ్యక్తిగత నిధులతో ఏర్పాటు చేసిన కిట్స్ అని తెలుస్తోంది. మరోపక్క ప్రభుత్వం కూడా కరోనా కేసులు కట్టడి చేయడానికి ప్రయత్నం చేస్తూ వస్తున్నారు.దీంతో బాలకృష్ణ తన వంతుగా ఈ విధంగా తన నియోజకవర్గ ప్రజలకు కిట్స్ పంపారని అంటున్నారు.