హోమ్

లేటేస్ట్ న్యూస్

టాలీవుడ్ నటుడు, టీడీపీ నేత, అనంతపురం జిల్లా హిందూపూర్ ఎమ్మెల్యే నందమూరి బాలకృష్ణ రంజాన్ పండుగను పురస్కరించుకొని ముస్లిం సోదరులకు శుభాకాంక్షలు తెలిపారు. ప్రేమ, త్యాగాలకు ప్రతీకలు ముస్లింలు సోదరులు. భక్తిభావన, క్రమ శిక్షణ, అధ్యాత్మికత ఆదర్శ ప్రాయం. అలాంటి ముస్లిం సోదరులకు నా రంజాన్ శుభాకాంక్షలు అంటూ ఓ వీడియో మెసేజ్‌ను రిలీజ్ చేశారు.

కరోనావైరస్ లాక్‌డౌన్ సమయంలో మనోధైర్యాన్ని తెచ్చుకొంటూ కఠోర ఉపవాస దీక్షలు చేసిన ముస్లిం సోదరులందరికి నా రంజాన్ శుభాకాంక్షలు. మీ ప్రార్థనలు ఫలించాలని, కరోనా మహమ్మారి అంతం కావాలి. సకల మానవాళి అంతా బాగుండాలని మనస్పూర్తిగా కోరుకొంటున్నాను.

ఈద్ సమయంలో ఇంట్లోనే ఉంటూ ప్రార్థనలు చేసుకోవాలి, మన అందరి జీవితాల్లో సుఖ: సంతోషాలు పంచాలని మనస్పూర్తిగా కోరుకొందాం. మరోసారి మీ అందరికి నా రంజాన్ పండగ శుభాకాంక్షలు, అల్లాఫీస్.. ఖుదాఫీస్ అంటూ బాలకృష్ణ ఈద్ శుభాకాంక్షల వీడియో సందేశాన్ని ముగించారు.

ఇదిలా ఉండగా, బాలకృష్ణ సినిమా విషయానికి వస్తే.. బోయపాటి శ్రీనుతో ఓ చిత్రంలో నటించనున్నారు. ఈ చిత్రంలో ఆయన అఘోరా పాత్రలో కనిపించే ప్రయత్నం చేస్తున్నారు. లాక్‌డౌన్ కారణంగా ఈ చిత్ర షూటింగ్ వాయిదా పడింది.