రెమ్యునరేషన్ విషయంలో ఎన్టీఆర్‌తో గొడవ.. చివరకు క్లారిటీ ఇచ్చిన బండ్ల గణేష్

పవన్ కళ్యాణ్ సలహా మేరకు

2009లో రవితేజతో ఆంజనేయులు అనే సినిమాను నిర్మించిన బండ్ల గణేష్ ఆ సినిమాతో పర్వాలేదు అనే విధంగా లాభాలు అయితే అందుకున్నాడు. అనంతరం మళ్లీ రెండేళ్ల తర్వాత పవర్ స్టార్ పవన్ కళ్యాణ్ తో తీన్ మార్ అనే సినిమా చేశాడు. కానీ ఆ సినిమాకు దారుణమైన నష్టాలను మిగిల్చింది. ఆ తర్వాత సినిమాలు చేయవద్దని అనుకున్నా బండ్ల గణేష్ పవన్ కళ్యాణ్ సలహామేరకు దబాంగ్ రీమేక్ హక్కులను తీసుకొని గబ్బర్ సింగ్ మూవీని ప్రొడ్యూస్ చేశాడు. ఆ సినిమా బాక్సాఫీసు వద్ద ఏ స్థాయిలో విజయాన్ని అందుకుంది ప్రత్యేకంగా చెప్పనవసరం లేదు.

స్టార్ హీరోలతో వరుసగా సినిమాలు

గబ్బర్ సింగ్ అనంతరం బండ్ల గణేష్ ఒక్కసారిగా అగ్ర నిర్మాత గా ఎదిగిపోయాడు. ఆ తర్వాత నిర్మాతగా అతను ఏమాత్రం వెనక్కి తిరిగి చూసుకోలేదు. జూనియర్ ఎన్టీఆర్ తో బాద్షా, అల్లు అర్జున్ తో ఇద్దరమ్మాయిలతో.. అనే సినిమాలను నిర్మించాడు. కానీ ఆ సినిమాలు బాక్సాఫీస్ వద్ద అనుకున్నంత స్థాయిలో అయితే లాభాలను అందించలేదు.

జూనియర్ ఎన్టీఆర్ తో గొడవ

ఇక 2014లో రామ్ చరణ్ తేజ్ - కృష్ణవంశీ కాంబినేషన్లో వచ్చిన గోవిందుడు అందరివాడేలే అనే సినిమా నిర్మించాడు. ఆ సినిమా కూడా పర్వాలేదు అనే విధంగా ఆకట్టుకుంది. ఇక బండ్ల గణేష్ చివరగా 2015 లో టెంపర్ అనే సినిమాను నిర్మించాడు. ఆ సినిమా తర్వాత మళ్లీ ప్రొడక్షన్ వైపు తిరిగి చూడలేదు. అలాగే జూనియర్ ఎన్టీఆర్ తో అతనికి కొన్ని గొడవలు అయినట్లు కూడా అప్పట్లో కథనాలు అయితే గట్టిగానే వచ్చాయి.

ఆ విధంగా జరిగింది..

రెమ్యునరేషన్ విషయంలోనే జూనియర్ ఎన్టీఆర్ బండ్ల గణేష్ మధ్య కొన్ని మనస్పర్ధలు వచ్చినట్లు వార్తలు వచ్చాయి. రీసెంట్ గా ఇచ్చిన ఇంటర్వ్యూ బండ్ల గణేష్ ఆ విషయంపై స్పందిస్తూ జస్ట్ అది కేవలం ఒక మిస్ కమ్యూనికేషన్ మాత్రమే అని అన్నాడు. ఇక ఎంతో అన్యోన్యంగా ఉండే భార్య భర్తల మధ్యలో, అలాగే అన్నాచెల్లెళ్ల మధ్య లో కూడా విభేదాలు తలెత్తడంతో సహజమని అలాగే నాకు కూడా ఆ విధంగా కమ్యూనికేషన్ వల్ల ఒక చిన్న డిస్కషన్ జరిగిందనే వివరణ ఇచ్చాడు. అది తప్పితే తప్పితే మరొక గొడవ ఏమీలేదని బండ్ల గణేష్ సింపుల్ గా క్లారిటీ ఇచ్చాడు.