Click it and Unblock the Notifications
హీరో సూర్య కోసం రాజమౌళి ‘బందోబస్త్’... పెరిగిన అంచనాలు!
లైకా ప్రొడక్షన్స్ బ్యానర్ పై కేవీ ఆనంద్ దర్శకత్వంలో తెరకెక్కుతున్న సినిమా బందోబస్త్. కోలీవుడ్ స్టార్ హీరో సూర్య, విలక్షణ నటుడు మోహన్ లాల్ ఈ సినిమాలో లీడ్ రోల్స్ పోషిస్తున్నారు. తమిళ్లో కాప్పాన్ అనే పేరుతో తెరకెక్కుతున్న ఈ సినిమాను తెలుగులో బందోబస్త్ పేరుతో ప్రేక్షకుల ముందుకు తీసుకొస్తున్నారు. కాగా తాజాగా ఈ చిత్ర ఫస్ట్లుక్ పోస్టర్ రిలీజ్ చేశారు టాలీవుడ్ టాప్ డైరెక్టర్ రాజమౌళి.
ఈ మేరకు బందోబస్త్ తెలుగు, ఇంగ్లీష్ టైటిల్ పోస్టర్లను ట్విట్టర్ ద్వారా షేర్ చేసిన రాజమౌళి.. బందోబస్త్ చిత్ర యూనిట్కి బెస్ట్ విషెస్ తెలిపారు. ఆసక్తికర కథాంశంతో తెరకెక్కుతున్న ఈ సినిమాలో సూర్య, మోహన్ లాల్ లతో పాటు ఆర్య కూడా నటిస్తున్నారు. ఈ ముగ్గురి పాత్రలు హైలైట్ గా ఉండేలా డైరెక్టర్ కేవీ ఆనంద్ ఈ సినిమా స్క్రిప్ట్ రెడీ చేశారని అంటోంది చిత్రయూనిట్.
గతంలో కేవీ ఆనంద్, సూర్య కాంబోలో వచ్చిన వీడోక్కడే, బ్రదర్స్ సినిమాలు సక్సెస్ సాధించడంతో బందోబస్త్ పై అంచనాలు పెట్టుకున్నారు ప్రేక్షకులు. భారీ హంగులతో తెరకెక్కుతున్న ఈ సినిమాలో సూర్య సరసన సాయేషా సైగల్ హీరోయిన్గా నటిస్తోంది. హరీష్ జైరాజ్ సంగీతం అందిస్తున్నారు. శరవేగంగా షూటింగ్ ఫినిష్ చేసి అతిత్వరలో ఈ సినిమాను ప్రేక్షకుల ముందుకు తీసుకురావాలని ప్లాన్ చేస్తోంది చిత్రయూనిట్. సూర్యకు తెలుగులో ఈ సినిమా మంచి బ్రేక్ ఇస్తుందని అంటున్నారు యూనిట్ సభ్యులు.
ఇక మరోవైపు రాజమౌళి తెరకెక్కిస్తున్న భారీ మల్టీస్టారర్ సినిమా RRR వేగంగా షూటింగ్ జరుపుకుంటోంది. మెగా పవర్ స్టార్ రామ్ చరణ్ తేజ్, యంగ్ టైగర్ ఎన్టీఆర్లు హీరోలుగా నటిస్తున్న ఈ సినిమా వచ్చే ఏడాది జులై ఎండింగ్ లో ప్రేక్షకుల ముందుకు రానుంది.
Continue with Google