bheemla nayak: హిందీలో పవన్ కళ్యాణ్ కు డబ్బింగ్ చెప్పింది ఇతనే.. మోస్ట్ టాలెంటెట్ యాక్టర్

సాలీడ్ ఓపెనింగ్స్

మలయాళం ఇండస్ట్రీలో మంచి విజయాన్ని అందుకున్న అయ్యప్పనుమ్ కొశీయుమ్ సినిమాకు రీమేక్ గా తెరకెక్కిన భీమ్లా నాయక్ సినిమా ఫిబ్రవరి 25వ తేదీన విడుదలైన విషయం తెలిసిందే. అయితే సినిమా బాక్సాఫీస్ వద్ద ఫస్ట్ వీకెండ్ లోనే 50కోట్ల షేర్ వసూళ్లను సాధించడం విశేషం. పవన్ కళ్యాణ్ కెరీర్ లోనే అత్యధికంగా సాలీడ్ ఓపెనింగ్స్ అందుకున్న సినిమాగా నిలిచింది.

ప్లస్ పాయింట్..

సినిమాలో రానా దగ్గుబాటి మరొక ముఖ్యమైన పాత్రలో నటించడం సినిమాకు మేజర్ ప్లస్ పాయింట్ అని చెప్పవచ్చు. వీరి ఇద్దరి పాత్రలకు ఫ్యాన్స్ ఫిదా అయ్యారు. అంతే కాకుండా త్రివిక్రమ్ శ్రీనివాస్ మార్క్ డైలాగ్స్ కూడా సినిమాకు కరెక్ట్ గా సెట్టయ్యాయి. ఇక యువ దర్శకుడు సాగర్ కె చంద్ర సినిమాను తనదైన శైలిలో ప్రజెంట్ చేసి బాక్సాఫీస్ వద్ద హిట్ టాక్ ను అందించేలా చేశారు.

ఆ సెంటిమెంట్ తో..

ఇక హిందీలో భీమ్లా నాయక్ సినిమాను అప్పుడే విడుదల చేయాలని అనుకున్నారు. కానీ అనుకోని కారణాల వల్ల ఆలస్యంగా విడుదల చేయాల్సి వస్తోంది. హిందీలో పుష్ప సినిమా మంచి విజయాన్ని అందుకోవడంతో అదే సెంటిమెంటుతో భీమ్లాను కూడా విడుదల చేస్తున్నారు. ఇక రీసెంట్ గా వచ్చిన ఖిలాడి సినిమా మాత్రం హిందిలో ఏ మాత్రం సక్సెస్ కాలేకపోయింది. కానీ భీమ్లా పై బయ్యర్లు మంచి నమ్మకంతో అయితే ఉన్నారు.

హిందీ డబ్బింగ్ చెప్పింది ఎవరు?

ఇక భీమ్లా నాయక్ సినిమాను త్వరలో హిందీలో చేయనున్న చిత్ర యూనిట్ హిందీ ట్రైలర్ ను నిన్ననే విడుదల చేసింది. ట్రైలర్ నార్త్ ఆడియెన్స్ నుంచి మంచి రెస్పాన్స్ అయితే వచ్చింది. ఇక హిందీలో పవన్ కళ్యాణ్ కు డబ్బింగ్ చెప్పింది ఎవరు అనే విషయంలో ప్రస్తుతం అనేక రకాల కథనాలు వెలువడుతున్నాయి.

అతను ఎవరంటే?

పవన్ అభిమానులు హిందీలో తమ స్టార్ హీరో వాయిస్‌కి ఎవరు డబ్బింగ్ చెప్పారో తెలుసుకోవాలనుకుంటున్నట్లు సోషల్ మీడియాలో బజ్ చూస్తేనే అర్ధమవుతుంది.పవన్ భీమ్లా పాత్రకు హిందీలో వాయిస్ ఓవర్ ఇచ్చింది హిందీ టీవీ నటుడు గౌరవ్ చోప్రా. గౌరవ్ హిందీ టెలివిజన్ రంగంలో మంచి నటుడిగా కూడా గుర్తింపు అందుకున్నాడు. ఇక అతను గతంలో చాలామంది సౌత్ ఆర్టిస్టులకు హిందీలో డబ్బింగ్ చెప్పాడు. ఇక ఇప్పుడు భీమ్లా నాయక్ లో హిందీలో పవన్ కళ్యాణ్ కు పవర్ఫుల్ గా వాయిస్ అందించాడు. మరి సినిమా ఏ స్థాయిలో సక్సెస్ అవుతుందో చూడాలి.