Don't Miss!
- News కేసీఆర్ కాన్వాయ్లో ప్రమాదం: ఒకదానికొకటి 8 వాహనాలు ఢీ
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Sports మా భారత క్రికెటర్లకు ఇంకా ఆ గతి పట్టలేదు: వీరేంద్ర సెహ్వాగ్
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘ఖిలాడీ’ కోసం పోటీ పడుతోన్న ఓటీటీలు: రవితేజకు భారీ డీల్ ఇచ్చిన ప్రముఖ సంస్థ
ఈ ఏడాది సంక్రాంతి సీజన్లో వచ్చిన 'క్రాక్'తో భారీ విజయాన్ని తన ఖాతాలో వేసుకున్నాడు మాస్ మహారాజా రవితేజ. అప్పటి వరకు ఉన్న హిట్ల దాహాన్ని ఈ సినిమాతో తీర్చుకున్న అతడు.. కలెక్షన్ల పరంగానూ కెరీర్లోనే బెస్ట్ ఫిగర్లను అందుకున్నాడు. ఈ మూవీ ఇచ్చిన ఉత్సాహంతో ఫుల్ స్వింగ్తో కనిపిస్తున్నాడు. ఈ క్రమంలోనే అతడు 'ఖిలాడీ' అనే సినిమా చేస్తున్నాడు. ఎంతో ప్రతిష్టాత్మకంగా రూపొందుతోన్న ఈ సినిమాపై భారీ అంచనాలే ఉన్నాయి. అందుకు అనుగుణంగానే దీన్ని తెరకెక్కిస్తున్నారు. ఈ నేపథ్యంలో ఈ మూవీకి భారీ ఆఫర్ వచ్చినట్లు ఓ న్యూస్ లీకైంది.
రమేష్ వర్మ దర్శకత్వంలో రవితేజ నటిస్తోన్న చిత్రమే 'ఖిలాడీ'. యాక్షన్ ఎంటర్టైనర్గా రాబోతున్న ఈ సినిమా షూటింగ్ చాలా వరకూ పూర్తయింది. ఇప్పటి వరకూ తీసిన ఎపిసోడ్స్ అన్నీ సంతృప్తికరంగానే వచ్చాయట. ఈ నేపథ్యంలో ఇటీవల విడుదలైన టీజర్కు ప్రేక్షకుల నుంచి భారీ స్థాయిలో స్పందన వచ్చింది. దీంతో ఈ చిత్రానికి ఓటీటీ సంస్థల నుంచి భారీ ఆఫర్లు వస్తున్నట్లు తెలుస్తోంది. ఖిలాడీ మూవీని నేరుగా రిలీజ్ చేసుకునేందుకు ఓ ప్రముఖ సంస్థ ఏకంగా రూ. 45 కోట్లు ఆఫర్ చేసినట్లు తెలిసింది. అయితే, చిత్ర యూనిట్ మాత్రం దీనికి నిరాకరించినట్లు సమాచారం.
రవితేజకు బయట మాస్ ఆడియెన్స్ నుంచి ఫాలోయింగ్ భీకరంగా ఉంటుంది. కాబట్టి.. ఈ సినిమాను ఆలస్యం అయినా థియేటర్లలోనే విడుదల చేయాలని చూస్తున్నట్లు, అందుకే ఓటీటీ ఆఫర్లను రిజెక్ట్ చేస్తున్నట్లు తెలుస్తోంది. ఇదిలా ఉండగా.. ఈ సినిమాను సత్యనారాయణ కోనేరు, రమేష్ వర్మ పెన్మెశ్చ సంయుక్తంగా నిర్మిస్తున్నారు. మీనాక్షి చౌదరి, డింపుల్ హయతి హీరోయిన్లుగా నటిస్తున్నారు. రాక్స్టార్ దేవి శ్రీ ప్రసాద్ సంగీతం అందిస్తున్నాడు.