అఖిల్, మోనాల్ జంటగా క్రేజీ ప్రాజెక్ట్.. ప్రేమికుల రోజున ఫస్ట్‌లుక్ రిలీజ్

బిగ్‌బాస్‌లో మాదిరిగానే మోనాల్‌తో కెమిస్ట్రీ

బిగ్‌బాస్‌లో మోనాల్ నేను చాలా క్లోజ్‌గా ఫ్రెండ్లీగా, లవ్, ఎమోషనల్‌గా అందరికి తెలిసిందే. మా మధ్య ఉండే కెమిస్ట్రీని వెబ్ సిరీస్ ద్వారా క్లియర్‌గా చూపించబోతున్నారు. నగరం నుంచి వచ్చిన ఒక మధ్య తరగతి యువకుడు సాఫ్ట్‌వేర్ ఉద్యోగం వేటలో హైదరాబాద్‌కు వచ్చి ఎన్ని కష్టాలు పడ్డారో ఒక అంశంగా ఉంటుంది. ఆ యువకుడు అనుకోకుండా ఒక గుజరాతీ అమ్మాయిని కలిసి ఎలా లవ్ లో పడ్డాడు అనేది ఈ సినిమా కాన్సెప్ట్. ఈ కథ మా ఇద్దరికీ బాగా సింక్ అయింది. ఇది నాకు ఫస్ట్ ప్రాజెక్టు.. ఈ అవకాశం ఇచ్చిన నిర్మాత భాస్కర్ రావుకి నా థాంక్స్ అని అఖిల్ సార్థక్ అన్నారు.

అఖిల్‌తో కలిసి చేయడం హ్యాపీగా

బిగ్‌బాస్ ఫేం మోనాల్ గజ్జర్ మాట్లాడుతూ.. గుజరాత్ నుంచి ఉద్యోగం కోసం హైదరాబాద్ వచ్చిన అమ్మాయి ఎన్ని ఇబ్బందులు పడింది. ఇక్కడి వాతావరణం, పరిస్థితులను ఎలా ఎదుర్కొన్నదనేది నా క్యారెక్టర్. బిగ్‌బాస్‌లో మా జోడికి మంచి స్పందన లభించింది. తెలుగబ్బాయి.. గుజరాతీ అమ్మాయి అనేది ఆడియెన్స్ నుంచి వచ్చిన టైటిల్. ఈ వెబ్ సిరీస్‌కి సూపర్‌గా సరిపోతుంది. ఈ వెబ్ సిరీస్ అఖిల్‌తో కలిసి చేయడం చాలా సంతోషంగా ఉంది అని అన్నారు.

అఖిల్, మోనాల్‌తో వెబ్ సిరీస్

దర్శకుడు భాస్కర్ బంటుపల్లి మాట్లాడుతూ.. బిగ్ బాస్-4లో అఖిల్, మోనాల్ పెయిర్ అందర్నీ విపరీతంగా ఆకట్టుకుంది. వాళ్ళిద్దరితో సీనిమా చేస్తే బాగుంటుందని నా మిత్రుడు సలహా ఇచ్చాడు. అది నాకు చాలా ఇన్స్పైరింగ్ గా అనిపించింది. వెంటనే వాళ్ళను దృష్టిలో పెట్టుకొని ఒక లైన్ అనుకున్నాను. అది మా ప్రొడ్యూసర్‌కి చెప్పగానే ఆయన వెంటనే ఒకే అని అన్నారు. ఇక నిర్మాత ఎ. భాస్కర్ రావు మాట్లాడుతూ.. బేసిగ్గా నేను డాక్టర్‌ని. బిగ్ బాస్-4 సీజన్ అంతా మిస్ అవకుండా చూశాం. అఖిల్, మోనాల్‌తో ఒక వెబ్ సిరీస్ చేస్తే బాగుంటుందని అనుకునే టైంలో భాస్కర్ వచ్చి మంచి కథ చెప్పడంతో నాకు నచ్చడం, వెంటనే ప్రాజెక్టు ఒకే చేయడం జరిగింది అని అన్నారు.

Recommended Video

Pooja Hegde's Reply To A Netizen Is Winning Hearts

నటీనటులు

నటీనటులు, సాంకేతిక విభాగం
నటీనటులు: అఖిల్ సార్థక్, మోనాల్ గజ్జర్ తదితరులు
బ్యానర్: సరస్వతీ క్రియేషన్స్
సమర్పణ: మాస్టర్ అజితేష్ వెంకట్
డివోపి: ఎడి మార్గల్
సంగీతం; సాకేత్ కోమండూరి
నిర్మాత; ఎ. భాస్కర్ రావు,
రచన-దర్శకత్వం; భాస్కర్ రావు బంటుపల్లి