బిగ్​బాస్ ఫేమ్​ మానసత్​తో దుమ్ములేపిన యాంకర్​ విష్ణుప్రియ.. ట్రెండింగ్​లో వీడియో

శేఖర్ మాస్టర్ కొరియోగ్రఫీలో..

బిగ్​బాస్ ఫేమ్ మానస్​, యాంకర్ విష్ణుప్రియ కలిసి అదరగొట్టిన తాజా సాంగ్ జరీ జరీ పంచె కట్టి. నివ్రితి వైబ్స్​ యూట్యూబ్​ ఛానెల్​ ద్వారా విడుదలైన ఈ సాంగ్​ అతి తక్కువ సమయంలోనే ట్రెండింగ్​లో దూసుకుపోతోంది. ప్రస్తుతం సోషల్ మీడియాలో వైరల్​గా మారిన ఈ వీడియో సాంగ్​ను సుద్దాల అశోక్​ తేజ రచిచంగా, శేఖర్ మాస్టర్​ కొరియోగ్రఫీ అందించడం విశేషం. జ్యోతి ప్రియ, ప్రశాంత్​ నిర్మాతలుగా వ్యవహరించిన ఈ సాంగ్​ను మదిన్​ కంపోజ్ చేశారు.

అతిరథుల సమక్షంలో విడుదల..

ఫోక్ సాంగ్​గా తెరకెక్కిన ఈ పాటను సెప్టెంబర్​ 1న విడుదల చేశారు. ఈ సాంగ్ లాంచ్​ కార్యక్రమానికి రఘు కుంచె, సుద్దాల అశోక్ తేజ, శేఖర్ మాస్టర్​, సింగర్​ సాకేత్, రమణా చారి, ప్రసన్న కుమార్, పద్మిని నాగులపల్లి, తుమ్మలపల్లి, రామసత్య నారాయణ, బిగ్​బాస్ ఫేమ్​ కాజల్, సన్నీ తదితరులు హాజరయ్యారు. ''సుద్దాల అశోక్ తేజ గారు రాసిన ఈ పాటను నేను పాడటం అదృష్టంగా భావిస్తున్నా'' అని సింగర్​ సాకేత్​ తెలిపాడు.

పట్టుబట్టి మరి..

బిగ్​బాస్ ఫేమ్​ మానస్ మాట్లాడుతూ.. ''శేఖర్ మాస్టర్​తో డేట్స్ కుదరకపోయిన ఆయన కొరియోగ్రఫీలోనే ఈ పాట చేయాలని పట్టుబట్టి చేయించిన నివ్రితి వైబ్స్​ వారికి థ్యాంక్స్​ చెప్పాలి. ఒక యూట్యూబ్​ సాంగ్​కు ఎంతో ఖర్చు చేసి చాలా గ్రాండ్​గా తెరకెక్కించారు. ఈ పాటను చూసి మూవీ సాంగ్​ అనుకునేలా నిర్మాతలు ఖర్చుకు వెనకాడకుండా చాలా రిచ్​గా తెరకెక్కించారు. సుద్దాల అశోక్ తేజ గారి లిరిక్స్​ హమ్ చేసేలా ఉన్నాయి.

మానస్​ ఒక స్టార్​..

ఈ పాటకు సింగర్స్​ అందరూ ఎంతో డెడికేటెడ్​ వర్క్ చేశారు. అలాగే చాలా టాప్ టెక్నిషియన్స్ వర్క్ చేయడం వల్లే ఈ సాంగ్ బాగా వచ్చింది. ఇలాంటి పాటలు మరెన్నో తీయాలని, ఇండస్ట్రీలో మంచి పేరు తెచ్చుకోవాలని మనస్ఫూర్తిగా కోరుకుంటున్నా '' అని పేర్కొన్నాడు. ''మానస్​ను అందరూ స్టార్ అవుతాడు అని అంటున్నారు. కానీ నాకు తెలిసినంతవరకు మానస్ ఇప్పటికే​ ఒక స్టార్​. ఈ సాంగ్​లో తను చేసిన డ్యాన్స్​ అదిరిపోయింది. మానస్​, విష్ణుప్రియల స్టెప్పులు చూడముచ్చటగా ఉన్నాయి '' అని బిగ్​బాస్​ విన్నర్​ సన్నీ తెలిపాడు.

ఒక్క రోజులోనే..

''మానస్​, విష్ణుప్రియలు చేసిన సాంగ్​ ప్రోమో చాలా వైరల్​ అయింది. ఇప్పుడు ఫుల్​ సాంగ్​ కోసం ఎదురు చూశాను. ఇప్పుడు విడుదలైన ఈ పాట ఇంకా బిగ్​ హిట్​ అవ్వాలి '' అని కాజల్​ పేర్కొంది. ఇదిలా ఉంటే ప్రస్తుతం ఈ సాంగ్​ యూట్యూబ్​లో దూసుకుపోతోంది. విడుదలైన ఒక్క రోజులోనే సుమారు 2 మిలియన్ వీక్షణలు సాధించి ట్రెండింగ్​లో దుమ్మురేపుతోంది. మానస్​, విష్ణుప్రియల స్టెప్పులు పాటకే హైలెట్​గా నిలిచాయని పలువురు ప్రశంసిస్తున్నారు.