హోమ్

లేటేస్ట్ న్యూస్

గరుడ వేగ, కల్కి విజయాలతో దూసుకెళ్తున్న టాలీవుడ్ యాంగ్రీ మ్యాన్ డాక్టర్ రాజశేఖర్ మరో విభిన్నమైన సినిమాతో ప్రేక్షకుల ముందుకు వచ్చేందుకు సిద్ధమయ్యారు. క్రియేటివ్ ఎంటర్‌టైనర్ అండ్ డిస్ట్రిబ్యూటర్స్ బ్యానర్‌పై డాక్టర్ జీ ధనుజంయన్ నిర్మించే చిత్రానికి రాజశేఖర్ పచ్చ జెండా ఊపారు. సింగిల్ లైన్ కథ వినగానే ఎగ్జైట్ అయిన రాజశేఖర్ వెంటనే ఈ సినిమాకు గ్రీన్ సిగ్నల్ ఇవ్వటం విశేషం.

త్వరలోనే సెట్స్‌పైకి వెళ్లే సినిమాలో సత్యరాజ్, నాజర్, బ్రహ్మానందం కీలక పాత్రలు పోషించనున్నారు. ఇటీవల విడుదలైన 'కిల్లర్' సినిమాకు సంగీతాన్ని అందించిన సైమన్. కె. కింగ్ డా. రాజశేఖర్ సినిమాకు మ్యూజిక్ అందించబోతున్నారు. తెలుగు 'క్షణం' ను శిబిరాజ్ తో 'సత్య'గా తీయటంతో పాటు 'బేతాళుడు' సినిమాకు దర్శకత్వం వహించిన ప్రదీప్ కృష్ణమూర్తి ఈ సినిమాకు మెగాఫోన్ పట్టనున్నారు. హీరో్యిన్ తో పాటు మిగిలిన పాత్రధారులు, సాంకేతిక నిపుణులను త్వరలో ఎంపిక చేయనున్నారు.

రాజశేఖర్ ఇమేజ్‌కు తగినట్టుగా సినిమా టైటిల్ నిర్ణయించి త్వరలో షూటింగ్ మొదలు పెడతామని నిర్మాత జి. ధనుంజయన్ చెబుతున్నారు. సింగిల్ షెడ్యూల్ లో షూటింగ్ పూర్తి చేసి మార్చి 2020లో సినిమాను విడుదల చేస్తామంటున్నారు ధనుంజయన్. సింగిల్ సిట్టింగ్ లో కథను ఓకె చేసి వెంటనే షూటింగ్ మొదలు పెడదామన్న డా. రాజశేఖర్ కు కృతజ్ఞతలు తెలిపారు నిర్మాత ధనుంజయన్.

తమిళంలో రెండు సార్లు జాతీయ అవార్డ్ గెలుచుకున్న నిర్మాత డా. జి. ధనుంజన్. సమంత అక్కినేని నటించిన 'యు టర్న్' సినిమాతో పాటు ను విజయ్ ఆంటోని 'కొలైకారన్' ను తమిళంలో విడుదల చేశారు ధనుంజయన్. ఇటీవల మురళీ కార్తీక్, గౌతమ్ కార్తీక్, రెజీనాతో తిరు దర్శకత్వంలో 'మిస్టర్ చంద్రమౌళి' సినిమాతో పాటు జ్యోతిక, లక్ష్మీ మంచు తో రాధామోహన్ దర్శకత్వంలో 'కాట్రిన్ మొళి' సినిమాను నిర్మించారు ధనుంజయన్. తాజాగా విజయ్ ఆంటోనీతో రెండు వరుస చిత్రాలను నిర్మిస్తున్నారు ధనుంజయన్. డా. రాజశేఖర్ సినిమాతో తెలుగు చిత్రరంగంలోకి అడుగు పెడుతున్నారు.

నటీనటులు: డా. రాజశేఖర్, సత్యరాజ్, నాజర్, బ్రహ్మానందం తదితరులు
ఎగ్జిక్యూటివ్ నిర్మాత: యస్.పి. శివప్రసాద్,
ఫైనాన్షియల్ కంట్రోలర్: సి.ఎ.జి. గోకుల్,
పి.ఆర్.వో: నాయుడు సురేంద్ర కుమార్ - ఫణి కందుకూరి,
సంగీతం: సైమన్.కె.కింగ్,
నిర్మాత: డా. జి. ధనుంజయన్,
దర్శకత్వం: ప్రదీప్ కృష్ణమూర్తి