Don't Miss!
- Automobiles సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Sports ఆ చెత్త నిర్ణయమే ఆర్సీబీ కొంపముంచింది- ఫించ్
- News ముందస్తుగానే ఏపీ ఎన్నికల ఫలితాలు - గెలుపెవరిది..!!
- Finance Debt Free: అప్పుల ఊబి నుంచి త్వరగా బయటపడాలా..?? ఇవిగో 5 మార్గాలు..
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
రవితేజ కొత్త సినిమాకు చిరంజీవి టైటిల్: ఆ మేజిక్ను మరోసారి చూపించబోతున్నారట
గోపీచంద్ మలినేని దర్శకత్వంలో వచ్చిన 'క్రాక్'తో మరోసారి హిట్ ట్రాక్ ఎక్కాడు మాస్ మహారాజా రవితేజ. ఈ సినిమా ఫలితం ఇచ్చిన ఉత్సాహంతో ఫుల్ జోష్ మీద ఉన్న అతడు.. ఆ వెంటనే రమేష్ వర్మ దర్శకత్వంలో 'ఖిలాడీ' అనే సినిమాను చేస్తున్నాడు. ఇది పట్టాలపై ఉండగానే తన 68వ సినిమాను కూడా ప్రకటించాడీ సీనియర్ హీరో. ఎంతో ప్రతిష్టాత్మకంగా రూపొందనున్న ఈ సినిమాపై ప్రకటన సమయంలోనే భారీ అంచనాలు ఏర్పడ్డాయి. అందుకు అనుగుణంగానే తన గత చిత్రాల మాదిరిగానే దీన్ని కూడా చిత్రీకరించబోతున్నాడట డైరెక్టర్ త్రినాధరావు నక్కిన.
RT68గా రూపొందనున్న ఈ సినిమాకు మెగాస్టార్ చిరంజీవి సూపర్ హిట్ మూవీ అయిన 'చంటబ్బాయి' టైటిల్ను పెట్టబోతున్నారని తాజాగా ఓ న్యూస్ ఫిలిం నగర్ ఏరియాలో చక్కర్లు కొడుతోంది. ఇప్పటికే దీని కోసం మెగాస్టార్ నుంచి పర్మీషన్ కూడా తీసుకున్నారని.. ఆ వెంటనే ఫిలిం ఛాంబర్లో రిజిస్టర్ కూడా చేయించారని సమాచారం. అప్పటి చంటబ్బాయి మాదిరిగానే దీన్ని కూడా కామెడీ థ్రిల్లర్గా రూపొందించబోతున్నారని తెలుస్తోంది. ఈ కారణంగానే పట్టుబట్టి మరీ ఆ టైటిల్ను తీసుకుంటున్నట్లు టాక్ వినిపిస్తోంది. దీనిపై రవితేజ అభిమానులు ఫుల్ ఖుషీగా ఉన్నారు.
ఇక, రవితేజ కెరీర్లోనే ఎంతో ప్రతిష్టాత్మకంగా రూపొందనున్న ఈ సినిమాలో ఐశ్వర్య మీనన్తో పాటు యంగ్ హీరోయిన్ శ్రీ లీలా ఫీమేల్ లీడ్స్గా చేస్తున్నారు. ఇందులో రవితేజ ద్విపాత్రాభినయం చేస్తున్నట్లు వార్తలు వస్తున్నాయి. అది కూడా తండ్రీ కొడుకుల పాత్రలు అని తెలుస్తోంది. ఈ చిత్రాన్ని పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్లపై టీజీ విశ్వ ప్రసాద్, అభిషేక్ అగర్వాల్ సంయుక్తంగా నిర్మిస్తున్నారు. ఇదిలా ఉండగా, రవితేజ ప్రస్తుతం నటిస్తోన్న 'ఖిలాడీ' మూవీ మే 28న ప్రేక్షకుల ముందుకు రాబోతున్న విషయం తెలిసిందే.