Don't Miss!
- News కాంగ్రెస్ ఖమ్మం సీటు పంచాయితీలో అనూహ్య మలుపు..!!
- Technology జియో సినిమా యాప్లో IPL మ్యాచ్లను ఉచితంగా చూస్తున్నారా.. రేపు కీలక ప్రకటన??
- Sports ఆ రూల్ వల్లే గెలిచాం- KL రాహుల్
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
రేఖ అడుగుపెట్టగానే సభ ఒక్కసారిగా షాక్.. సురేఖను అందుకే అలా పిలుస్తా..నాగ్ వీడియో డిలీట్ చేయి
Recommended Video
హైదరాబాద్లో నవంబర్ 17న జరిగిన ANR నేషనల్ అవార్డ్స్ వేడుక అత్యంత ఘనంగా జరిగింది. అక్కినేని నాగేశ్వరరావు పేరుతో ఏర్పాటు చేయబడిన ఈ అవార్డుల ఫంక్షన్కి టాలీవుడ్, బాలీవుడ్ ఇండస్ట్రీలకు చెందిన సినీ తారలు హాజరై సందడి చేశారు. హైదరాబాద్లోని అన్నపూర్ణ స్టూడియోలో జరిగిన ఈ కార్యక్రమానికి మెగాస్టార్ చిరంజీవి ముఖ్య అతిథిగా విచ్చేశారు. ఆయన చేతుల మీదుగా అవార్డు విజేతలకు అవార్డులు అందజేయడం జరిగింది.
రేఖపై నాగ్ ఆసక్తికర కామెంట్స్
ఈ సందర్బంగా వేదికపై కింగ్ నాగార్జున మాట్లాడిన తీరు అందరినీ ఆకర్షించింది. శ్రీదేవి, రేఖలతో తనకున్న అనుబంధం గురించి వివరించారు నాగ్. ఈ అవార్డు శ్రీదేవి, రేఖలకు ఇవ్వాలనేది ఏఎన్నార్ కోరిక అని అన్నారు. శ్రీదేవితో తాను నాలుగు సినిమాలు చేశానని, ఆమె ఓ దేవత అని చెప్పారు. శ్రీదేవి అకాల మరణం తీరని లోటు అన్నారు. నటి రేఖ గురించి మాట్లాడుతూ.. అన్నిరకాల సినిమాలు ఎలా చేశారు, ఎలా అంత సక్సెస్ రేట్ను సాధించారో తెలపాలని కోరారు. అలాగే ఆమె అందానికి గల సీక్రెట్ ఏమిటో కూడా అందరికీ తెలియజేయాలని అంటూ ఆసక్తికర కామెంట్స్ చేశారు నాగ్.
అద్భుతంగా సాగిన చిరు ప్రసంగం
ANR అవార్డ్స్ కార్యక్రమంలో తన చేతుల మీదుగా రేఖకు అవార్డు అందించిన చిరు.. వేదికపై కాసేపు మాట్లాడారు. ఒక చిన్న కథతో ప్రారంభమైన ఆయన ప్రసంగం ఆద్యంతం ఆకట్టుకుంది. ఆయన చెప్పిన సంగతులు విని ఆశ్చర్యపోయారు అక్కడున్న సినీ ప్రముఖులు.
అమ్మ కథ చెప్పి ఆశ్చర్యపరిచిన చిరు..
అదొక పల్లెటూరు. కొత్తగా పెళ్లయిన జంట. ఆమె నిండు గర్భవతి. రేపో మాపో డెలివరీ అయ్యే సమయం. అదే సమయంలో తన అభిమాన నటుడి సినిమా విడుదలైంది. పక్కనున్న టౌన్కు వెళ్లి సినిమా చూడాలి. బిడ్డకు జన్మనిచ్చిన తరవాత సినిమా చూసే అవకాశం ఉండదు. ఈ కోరికను తన భర్తకు చెప్పుకుంది. ఈ సమయంలో ఎలా వెళ్తావు అన్నాడు భర్త. ఎలాగైనా వెళ్లాలి అంది. గర్భంతో ఉన్న భార్య కోరిక తీరుద్దామని ఆ భర్త సరే అన్నాడు. జట్కా బండిలో సినిమాకు బయల్దేరారు అంటూ తన తల్లిదండ్రుల గురించి చెప్పిన కథ అందర్నీ ఆశ్చర్యపరిచింది.
రేఖ రావడంతో రాజ్యసభ వాయిదా..
తాను రాజ్యసభలో ఉన్న సమయంలో.. ఒకరోజు అందరూ వాగ్వాదం చేసుకుంటూ ఉండటంతో గందరగోళంగా మారిందని చెప్పుకొచ్చాడు. ఆ సమయంలో రేఖ రావడంతో అందరూ సైలెంట్ అయిపోయి .. పొద్దు తిరుగుడు పువ్వులా ఆమెనే చూస్తూ ఉండిపోయారని తెలిపాడు. రేఖ రావడంతో ఆ రోజు రాజ్యసభ వాయిదా పడిపోయిందని, అందుకే ఆమె అప్పుడప్పుడు మాత్రమే వచ్చేదని పేర్కొన్నాడు. ఆమె వస్తే.. దేశ సమస్యల గురించి మాట్లాడకుండా.. అందరూ ఆమె వైపే చూస్తుండిపోతారని ఆమెకు కూడా తెలుసంటూ సరదాగా వ్యాఖ్యానించాడు. దీంతో రేఖ వేదికపైనే సిగ్గుపడిపోయి నవ్వింది.
నా భార్యను అందుకే అలా పిలుస్తా..
తనకు రేఖ అంటే ఎంత ఇష్టమో చెప్పలేనని, తన అదృష్టమో ఏమే కానీ సురేఖ అనే పేరున్న భార్య దొరికింది.. తనను అందరూ సురేఖ అని పిలుస్తూ ఉంటే.. తాను మాత్రం రేఖ అని పిలిచేవాడినని తెలిపాడు. నేను ఈ రేఖను ఉద్దేశించి పిలుస్తానని, ఇప్పటి వరకు తన భార్యకు ఆ విషయం తెలీదని, ఒకవేళ ఈ వీడియోను చూస్తే తెలిసిపోతుందని, ఎడిట్ చేయించమని నాగ్తో ఫన్నీగా చెప్పేశాడు.