Don't Miss!
- Sports CSK vs LSG: శతక్కొట్టిన రుతురాజ్ గైక్వాడ్.. చితక్కొట్టిన శివమ్ దూబే!
- News బాలయ్య ఎన్నికల ప్రచార జోరు: కీలక హామీలు
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
సినీ కార్మికులకు అండగా రామోజీరావు.. లెజెండ్ అంటూ చిరు ట్వీట్
కరోనా వైరస్ దాటికి ప్రపంచ దేశాలన్నీ లాక్ డౌన్ను పాటిస్తున్న సంగతి తెలిసిందే. ప్రపంచ వ్యాప్తంగా ఇప్పటికే 21 లక్షల మందికి కరోనా బారిన పడ్డారు.. లక్షకు పైగా ప్రాణాలను కోల్పోయారు. మన దేశంలోనూ కరోనా వైరస్ రోజురోజుకూ విజృంభిస్తోంది. ఇప్పటికే 13 వేల కరోనా కేసులు బయటపడ్డాయి. కరోనాను కట్టడి చేసేందుకు లాక్ డౌన్ను పాటిస్తున్నా.. అదుపులో పెట్టలేకపోతోన్నాం. అయితే ఈ లాక్ డౌన్ వల్ల దినసరి కూలీలెంతో మంది ఉపాధిని కోల్పోయారు. ఇంకా కోల్పోతూనే ఉన్నారు.
అయితే సినీ పరిశ్రమ తరుపున సినీ కార్మికులను ఆదుకునేందుకు చిరంజీవి ముందుకు వచ్చిన సంగతి తెలిసిందే. కరోనా క్రైసిస్ ఛారిటీ అంటూ సినీ కార్మికులను ఆదుకునేందుకు ఓ సంస్థను ప్రారంభించి కోటి రూపాయల విరాళాన్ని ప్రకటించాడు. చిరు పిలుపుతో టాలీవుడ్ మొత్తం కదిలింది. హీరోలు, హీరోయిన్స్, డైరెక్టర్స్, నిర్మాతలు ఇలా ఎంతో మంది ముందుకు వచ్చారు.
ఇలా అందరూ ఇచ్చిన మొత్తం వివరాలను కూడా సోషల్ మీడియాలో ఎప్పటికప్పుడు ప్రకటిస్తూనే ఉన్నాడు చిరంజీవి. సినీ కార్మికులకు కూడా సాయం అందుతోందని, అది ఎలా జరుగుతోందో కూడా సోషల్ మీడియాలో చెప్పుకొచ్చాడు. తాజాగా రామోజీరావు పది లక్షల విరాళాన్ని అందించగా.. సోషల్ మీడియా వేదికగా ధన్యవాదాలు తెలిపాడు. 'సినీ పరిశ్రమలోని దినసరి కార్మికుల కోసం విరాళం ఇచ్చినందుకు ధన్యవాదాలు, సినీ పరిశ్రమకు మీరు అందించే సేవలు అసాధారణమైనవి.. మీరు లెజెండ్ సర్' అంటూ ట్వీట్ చేశాడు.
Shri #RamojiRao garu contributed Rs 10 lacs to #CoronaCrisisCharity Thank you Sir for your kind and generous gesture,most importantly for extending a helping hand for the cause of daily wage film workers. Your services to this industry are phenomenal and You are a legend Sir.
— Chiranjeevi Konidela (@KChiruTweets) April 17, 2020