twitter
    For Quick Alerts
    ALLOW NOTIFICATIONS  
    For Daily Alerts

    ‘విరాట పర్వం’ విడుదలపై క్లారిటీ: దీన్ని కూడా అప్పుడే తీసుకొచ్చేందుకు ప్లాన్

    |

    టాలీవుడ్ హంక్ దగ్గుబాటి రానా - టాలెంటెడ్ హీరోయిన్ సాయి పల్లవి జంటగా.. వేణు ఉడుగుల రూపొందించిన చిత్రం 'విరాట పర్వం'. నక్సలైట్ ఉద్యమం నాటి నేపథ్యానికి చక్కని ప్రేమకథను జోడించి ఈ సినిమాను తెరకెక్కించారు. ఎంతో ప్రతిష్టాత్మంగా రాబోతున్న ఈ సినిమా షూటింగ్ చాలా రోజుల క్రితమే పూర్తైంది. కానీ, అనివార్య కారణాల వల్ల విడుదల మాత్రం తరచూ వాయిదా పడుతూనే వస్తోంది. ఈ క్రమంలోనే దీన్ని ఏప్రిల్‌లో విడుదల చేయాలని అనుకున్నారు. కానీ, కరోనా సెకెండ్ వేవ్ వల్ల అది సాధ్య పడలేదు. ఇక, తాజాగా ఈ మూవీ రిలీజ్‌పై క్లారిటీ వచ్చేసింది.

    ప్రస్తుతం తెలుగు రాష్ట్రాల్లో కరోనా ప్రభావం క్రమక్రమంగా తగ్గుతోంది. దీంతో ఇప్పటికే తెలంగాణలో లాక్‌డౌన్ ఎత్తేశారు. మరోవైపు, ఏపీలో కూడా కొద్ది రోజుల్లో పరిస్థితి సద్దుమణిగేలా కనిపిస్తోంది. ఈ నేపథ్యంలో ఇప్పటికే షూటింగ్ పూర్తైన చిత్రాలన్నీ ఒక్కొక్కిటిగా విడుదల కానున్నాయి. ఈ క్రమంలోనే ప్యూర్ లవ్ స్టోరీతో రాబోతున్న 'విరాట పర్వం' చిత్రాన్ని ఈ ఆగస్టులో విడుదల చేయాలని యూనిట్ భావిస్తున్నట్లు తాజాగా ఓ న్యూస్ బయటకు వచ్చింది. అప్పటికైతే వంద శాతం ఆక్యూపెన్సీ ఉండే అవకాశం ఉన్నందువల్లే ఈ చిత్ర యూనిట్ ఈ నిర్ణయం తీసుకుందని తెలిసింది.

    Clarity on Virata Parvam Movie Release Date

    మరోవైపు.. ఇదే నెలలో నాగ చైతన్య నటించిన 'లవ్ స్టోరీ', నేచురల్ స్టార్ నాని చిత్రం 'టక్ జగదీష్'లు విడుదల కాబోతున్నాయని జోరుగా ప్రచారం జరుగుతోంది. వీటికి ఓ వారం గ్యాప్‌లోనే 'విరాట పర్వం' మూవీని కూడా విడుదల చేయాలని చూస్తున్నారట. ఆ రెండు చిత్రాల రిలీజ్ డేట్లు ప్రకటించగానే.. ఈ మూవీ విడుదల తేదీని కూడా అనౌన్స్ చేస్తారని తెలుస్తోంది. ఇక, ఈ సినిమాను ఎస్‌ఎల్‌వీ సినిమాస్‌ పతాకంపై సుధాకర్‌ చెరుకూరి నిర్మిస్తున్నారు. నివేదా పెతురాజ్, ప్రియమణి, నందితాదాస్‌, నవీన్‌చంద్ర, జరీనా వహాబ్‌, ఈశ్వరీరావు, బెనర్జీ ప్రధాన పాత్రలు చేశారు.

    English summary
    Rana Daggubati And Sai Pallavi Starrer ‘Virata Parvam’ Release Postponed Due to Covid Lockdown. Now This Movie Unit Planned to Release in August.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X