Don't Miss!
- News ఏపీలో 45 డిగ్రీలను దాటిన టెంపరేచర్: గరిష్ఠ ఉష్ణోగ్రత నమోదైంది ఇక్కడే
- Sports చరిత్ర సృష్టించిన స్టొయినిస్.. సెహ్వాగ్ రికార్డు బ్రేక్!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
నాని ‘గ్యాంగ్ లీడర్’ టైటిల్ వివాదం ముదురుతోంది!
నేచురల్ స్టార్ నాని హీరోగా విక్రమ్ కుమార్ దర్శకత్వంలో రూపొందుతున్న చిత్రం 'గ్యాంగ్ లీడర్'. మైత్రి మూవీ మేకర్స్ నిర్మిస్తున్నారు. ఈ టైటిల్ ప్రకటించినప్పటి నుంచే హాట్ టాపిక్ అవుతోంది. మెగాస్టార్ చిరంజీవి నటించిన ఐకానిక్ మూవీ 'గ్యాంగ్ లీడర్' పేరునే ఈ చిత్రానికి వాడుకుంటున్నారు.
ఈ సంగతి పక్కన పెడితే ఈ టైటిల్ మేము ముందే రిజిస్టర్ చేయించాం... మీరెలా వాడుకుంటారు? అంటూ ఎస్ఎంకె ఫిల్మ్స్ వారు రంగంలోకి దిగారు. కొన్ని రోజులుగా ఈ వివాదం నడుస్తూనే ఉంది. అయితే మైత్రి మూవీ మేకర్స్ వారు ఈ గొడవ తర్వాత 'నాని గ్యాంగ్ లీడర్' అంటూ టైటిల్ మార్చారు. ఇప్పటికే విడుదలైన పోస్టర్, టీజర్లో కూడా ఇదే టైటిల్ అఫీషియల్గా అనౌన్స్ చేశారు.
నాని అనే పదాన్ని చిన్నగా పెట్టి 'గ్యాంగ్ లీడర్' అనే వర్డ్ పెద్దగా కనిపించేలా టైటిల్ రిజిస్టర్ చేయించారు. అయితే ఎస్ఎంకె ఫిల్మ్స్ వారు 'గ్యాంగ్ లీడర్' అనే పదాన్ని మొత్తం తొలగించాలని డిమాండ్ చేస్తున్నారు. ఈ విషయంలో ఇరు వర్గాల మధ్య రాజీ కుదరక పోవడంతో మైత్రి మూవీ మేకర్స్పై ఫిర్యాదు చేసినట్లు తెలుస్తోంది.
'గ్యాంగ్ లీడర్' సినిమా విషయానికొస్తే... ఒక డిఫరెంట్ కాన్సెప్ట్తో ఈ సినిమా రూపొందిందని టీజర్ చూస్తే అర్థమవుతోంది. ఈ టీజర్లోని ప్రతి షాట్ సినిమాపై అంచనాలు భారీగా పెంచేలా ఉంది. కంప్లీట్ ఫ్యామిలీ ఎంటర్టైనర్గా దీన్ని రూపొందించినట్లు సమాచారం.
ఈ చిత్రంలో 'ఆర్ఎక్స్ 100' ఫేమ్ కార్తికేయ ఓ ముఖ్యమైన పాత్రలో కనిపించబోతున్నాడు. ప్రియాంక, లక్ష్మీ, శరణ్య, అనీష్ కురువిళ్లా, ప్రియదర్శి, రఘుబాబు, వెన్నెల కిశోర్, జైజా, సత్య తదితరులు ముఖ్యపాత్రలు పోషిస్తున్నారు.
ఈ చిత్రానికి సంగీతం: అనిరుధ్ రవిచందర్, సినిమాటోగ్రఫీ: మిరోస్లా కుబా బ్రోజెక్, మాటలు: వెంకీ, డార్లింగ్ స్వామి, రచనా సహకారం: ముకుంద్ పాండే, ప్రొడక్షన్ డిజైనర్: రాజీవన్, ఆర్ట్ డైరెక్టర్: రామ్కుమార్, ఎడిటింగ్: నవీన్ నూలి, కాస్ట్యూమ్ డిజైనర్: ఉత్తర మీనన్, స్టిల్స్: జి.నారాయణరావు, కో-డైరెక్టర్: కె.సదాశివరావు, ప్రొడక్షన్ ఎగ్జిక్యూటివ్: శేషు, సి.ఇ.ఓ.: చిరంజీవి(చెర్రీ), నిర్మాతలు: నవీన్ ఎర్నేని, వై.రవిశంకర్, మోహన్ (సివిఎం), కథ, స్క్రీన్ప్లే, దర్శకత్వం: విక్రమ్ కె.కుమార్.