Don't Miss!
- News ఏకగ్రీవంగా సికింద్రాబాద్.. మోడీ-అమిత్ షా గేమ్ ప్లాన్?
- Automobiles క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- Sports ఆ భారత కుర్రాడు మామూలోడు కాదు- లారా
- Technology స్మార్ట్వాచ్ సెగ్మెంట్లోకి ప్రముఖ సంస్థ.. 8 రోజుల బ్యాటరీ లైఫ్, హెల్త్ ట్రాకర్లతో ProWatch విడుదల..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Lifestyle నిద్రపోకపోతే వచ్చే సమస్యలివే.. తీవ్రంగా హెచ్చరిస్తున్న పరిశోధకులు..!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
విక్టరీ వెంకటేష్పై రూమర్లు.. క్లారిటీ ఇచ్చిన సురేష్ బాబు
F2 విజయం తర్వాత విక్టరీ వెంకటేష్ సినిమాల వేగాన్ని పెంచుతున్నారు. సక్సెస్ జోష్తో వెంకీ మామ సినిమాను పట్టాలెక్కించారు. తన మేనల్లుడు అక్కినేని నాగచైతన్యతో కలిసి ఈ చిత్రంలో నటిస్తున్న సంగతి తెలిసిందే. ఈ చిత్ర షూటింగ్ ప్రస్తుతం శరవేగంగా జరుగుతున్నది. వెంకీ మామ సినిమా ఓ వైపు నడస్తుండగా.. మరో వైపు వెంకటేష్ విక్రమ్ వేద చిత్రంలో నటిస్తున్నారనే వార్త మీడియాలో ప్రముఖంగా కనిపించింది.
విక్రమ్ వేద చిత్రంలో వెంకటేష్, నారా రోహిత్ కలిసి నటిస్తున్నారు. ఈ చిత్రానికి వీవీ వినాయక్ దర్శకత్వం వహిస్తున్నారు అనే వార్త మీడియాలో వైరల్ అయింది. గతంలో కూడా ఇలాంటి వార్త మీడియాలో కనిపించగా, ఓ నిర్మాత మీడియాకు వివరణ ఇచ్చారు.
తాజాగా విక్రమ్ వేద చిత్రంలో వెంకటేష్ నటిస్తున్నారనే వార్తపై ఆయన సోదరుడు, ప్రముఖ నిర్మాత సురేష్ బాబు స్పందించారు. విక్రమ్ వేద తెలుగు రీమేక్లో వెంకటేష్ నటిస్తున్నారనే వార్తలో వాస్తవం లేదు. ప్రస్తుతం వెంకీ మామ సినిమా చేస్తున్నాడు. తదుపరి చిత్రాల వివరాలను త్వరలోనే వెల్లడిస్తాం అని సురేష్ బాబు ప్రకటన ఇచ్చారు.
గతేడాది విడుదలైన విక్రమ్ వేద తమిళంలో ఘన విజయం సాధించింది. మాధవన్, విజయ్ సేతుపతి కలిసి నటించిన చిత్రం బాక్సాఫీస్ వద్ద భారీ వసూళ్లను రాబట్టింది. ఈ చిత్రంలో శ్రద్ధా శ్రీనాథ్, వరలక్ష్మీ శరత్ కుమార్ తదితరులు నటించారు.