twitter
    For Quick Alerts
    ALLOW NOTIFICATIONS  
    For Daily Alerts

    దాసరి విగ్రహం తొలగింపుపై ఉద్రిక్తత.. దర్శకుల సంఘం ధర్నా, నిరసన

    |

    విశాఖ‌ప‌ట్నం బీచ్ రోడ్‌లో విగ్రహాల తొలగింపు వ్యవహారం అత్యంత వివాదాస్పదంగా మారింది. ముందస్తు హెచ్చరికలు లేకుండా సినీ ప్రముఖులు దాసరి నారాయణ రావు, నందమూరి హరికృష్ణ విగ్రహాలను తొలగించడంపై అభిమానులు, ప్రజలు భగ్గుమంటున్నారు. విగ్రహాల తొలగింపుపై ఉత్తరాంధ్ర సినీ దర్శకుల సంఘం నిరసన కార్యక్రమాన్ని చేపట్టింది. ఇటీవల దాసరి, హరికృష్ణ విగ్రహాలను గ్రేటర్ విశాఖ మున్సిపల్ కార్పోరేషన్ తొలగించిన సంగతి తెలిసిందే.

     Dasari Narayana Rao statue remove at Vishakhapatnam

    దాసరి, హరికృష్ణ విగ్రహాలను తొలగించడంపై ఉత్తరాంధ్ర సినీ దర్శకులు సంఘం తీవ్రంగా స్పందించింది. అర్ధరాత్రి విగ్రహాల తరలింపు అన్యాయం. ఒకవేళ అనుమతులు లేకపోతే విగ్రహాలు తొలగించే ముందు నోటీసులు జారీ చేయాలి. విగ్రహాలు పెట్టి ఆరునెలలైంది. అప్పటి నుంచి ఎలాంటి హెచ్చరికలు లేకుండా హఠాత్తుగా విగ్రహాలను తొలగించడం సమంజసం కాదు అని సంఘం అధ్యక్షుడు, దర్శకుడు యాదకుమార్ అన్నారు.

    సినీ రంగానికి ఎంతో పేరు, ప్రఖ్యాతులు తెచ్చిన ద‌ర్శ‌కుడు దాస‌రి నారాయణరావు విగ్ర‌హం తొల‌గించ‌డం తెలుగు క‌ళా రంగాన్ని అవ‌మానించ‌డ‌మేనని సంఘ కార్య‌ద‌ర్శి, ద‌ర్శ‌కుడు కారెం విన‌య్ ప్ర‌కాష్ అన్నారు.

    నాట‌క రంగ ప్ర‌ముఖుడు, రంగ‌సాయి, నాట‌క సంఘం అధ్య‌క్షుడు బాదంగీర్ సాయి మాట్లాడుతూ...అత్యంత చిన్న స్థాయి నుంచి ఎంతో ఉన్న‌త స్థాయికి చేరుకొని, తెలుగు సినీ రంగంలో ఎంతో ఉన్న‌త‌మైన చిత్రాలు ద‌ర్శ‌క‌త్వం వ‌హించిన దాస‌రి గారి విగ్ర‌హం తొలగించడం దారుణం. ఉత్త‌రాంధ్ర సినీ ద‌ర్శ‌కుల సంఘంఆధ్వ‌ర్యంలో అన్ని అనుమ‌తుల‌తో త్వ‌ర‌లో నెల‌కొల్పుతాం అని అన్నారు.

    ఈ నిరసన, ధర్నా కార్యక్రమంలో ఉత్త‌రాంధ్ర ద‌ర్శ‌కులు ర‌మేష్‌, శివశ్రీ, గీతాల‌య ప్ర‌సాద్, రాకేష్ రెడ్డి, లోలుగు రాజ‌శేఖ‌ర్ ల‌తో పాటు ఉత్త‌రాంధ్ర‌కు చెందిన సినీ, టీవీ న‌టీన‌టులు, ద‌ర్శ‌కులు పెద్ద సంఖ్య‌లో పాల్గొన్నారు.

    English summary
    Dasari Narayana Rao, Nandamuri Hari Krishna statues removal at Vishakhapatnam goes very serious issue. Uttarandhra Directors association attempts dharna over VGMC actions. They said, We are ready for unveil Dasari statue again.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X