భయపెడుతున్నారని అనుకొంటాన్నారేమో.. మీరే భయపడుతున్నారు.. డియర్ కామ్రేడ్ ట్రైలర్ కేక

పాలిటిక్స్ ఆపకపోతే..

డియర్ కామ్రెడ్ ట్రైలర్ చూస్తే కంటెంట్ పరంగా రిచ్‌గా కనిపిస్తున్నది. డైలాగ్స్ భావోద్వేగంగా.. ఆలోచింపజేసే విధంగా ఉన్నాయి. కాలేజీలో పాలిటిక్స్‌ను ఆపకపోతే.. మేమే ఆపాల్సి వస్తుంది అని విజయ్ దేవరకొండ టైలాగ్.. కాలేజీ పాలిటిక్స్, గొడవలను తెలియజేసింది. కాలేజీలో గొడవలు, కొట్లాటలు ఉద్రేకపూరితంగా కనిపించాయి.

ధైర్యం, తెగువ మంచిదే కానీ

ఇక లవ్ ఎపిసోడ్స్ కూడా ఫీల్‌గుడ్ గా ఉన్నాయి. వచ్చినప్పుడు ఎంతో గొప్పగా ఉన్న ప్రేమ.. పోయిన తర్వాత ఎందుకింత బాధపెడుతున్నది అంటూ విజయ్ దేవరకొండ చెప్పిన డైలాగ్ కూడా ఎమోషనల్‌గా ఉంది. ఇలాంటి ధైర్యం, తెగువ మంచిదే కానీ. ఈ గొడవలో పొగొట్టుకున్నవే నిన్ను అన్నింటికన్నా ఎక్కువగా బాధపెడుతున్నాయి అంటూ తండ్రి చెప్పించిన డైలాగ్స్ సినిమాలో చైతన్య జీవితంలో ఏదో జరిగిందనే ఫ్లాష్ బ్యాక్‌ను తెలియజేసింది.

పిరికిదానిలా ఉండకు లిల్లీ అంటూ

నీకు తోడుగా ఉంటాను. లెట్ మీ డియర్ కామ్రేడ్ అంటూ భావోద్వేగంగా చెప్పిన మాటలను ప్రేమికులను ఆకట్టుకొనేలా ఉన్నాయి. మూడేళ్ల క్రితం ఉన్న కోపం ఇప్పుడు లేదు. నన్ను మీనాన్నను, ఈ సొసైటీని మరిచిపో. నీకు ఏం కోవాలో దాని కోసమే పోరాటం చేయి. ఇలా పిరికిదానిలా ఉండకు లిల్లీ అంటూ ఇక డైలాగ్స్ సినిమా ఇంటెన్సిటీని తెలియజెప్పింది. ఓవరాల్‌గా ఈ సినిమా మిక్స్‌డ్ బ్యాగ్‌లా కనిపించింది.

తెర వెనుక, తెర ముందు

నటీనటులు, సాంకేతిక వర్గం
నటీనటులు: విజయ్ దేవరకొండ, రష్మిక మందన్న తదితరులు
దర్శకుడు: భరత్ కమ్మ
సినిమాటోగ్రాఫర్: సుజిత్ సారంగ్
సంగీతం: జస్టిన్ ప్రభాకరన్
ఆర్ట్ డైరెక్టర్: రామాంజనేయులు
ఎడిటర్: శ్రీజిత్ సారంగ్
డైలాగ్స్: జయ్ కృష్ణ
నిర్మాతలు: నవీన్ యెర్నేని, రవిశంకర్ యలమంచిలి, మోహన్ చెరుకూరి, యష్ రంగినేని
స్టంట్స్: మురళీ