Don't Miss!
- Technology Haier నుంచి నాలుగు కొత్త స్మార్ట్ టీవీలు! ధరలు, స్పెసిఫికేషన్ల వివరాలు
- News విజయవాడ లో మారుతున్న లెక్కలు - గెలుపెవరిది..!!
- Finance Rekha Jhunjhunwala: ఆ 5 కంపెనీల్లో షేర్లు అమ్మిన రేఖా జున్జున్వాలా.. టాటా స్టాక్స్ కూడా..
- Automobiles అప్రిలియా నుంచి 4 సూపర్ టూరర్ బైక్లు లాంచ్.. ఒక్కో బైక్లో ఎన్నో స్పెషాలిటీస్.!!
- Sports KKR vs RR: 12 నెలలుగా రిక్వెస్ట్ చేస్తున్నా.. అస్సలు వినడం లేదు: రోవ్మన్ పోవెల్
- Lifestyle వేసవిలో నిమ్మరసం లేదా కొబ్బరి బోండాం ఏది బెటర్? ఏది ఎక్కువ ఆరోగ్య ప్రయోజనాలను అందిస్తుంది.
- Travel Ramanarayanam Temple: విజయనగరంలోని ఈ రాములవారి ఆలయ ప్రత్యేకతలెన్నో..!
బాలయ్య - బోయపాటి సినిమాకు కొత్త టైటిల్: పేరులోనే పవర్ ఉండేలా ప్లాన్
స్టార్ హీరో నటసింహా నందమూరి బాలకృష్ణ - మాస్ డైరెక్టర్ బోయపాటి శ్రీను కాంబినేషన్లో మరో సినిమా రూపొందుతోన్న విషయం తెలిసిందే. వరుస పరాజయాలతో ఇబ్బందులు పడుతోన్న ఆయన.. గతంలో తనకు రెండు భారీ విజయాలు 'సింహా', 'లెజెండ్' వంటి హిట్లను ఇచ్చిన దర్శకుడితో కలవడం ఇండస్ట్రీలో హాట్ టాపిక్ అయింది. అందుకు అనుగుణంగానే ఈ సినిమా గురించి తరచూ ఏదో ఒక ఆసక్తికరమైన వార్త తెరపైకి వస్తూనే ఉంది. ఇందులో భాగంగానే ఈ మూవీ టైటిల్ గురించి తాజాగా ఓ న్యూస్ ఫిలిం నగర్ ఏరియాలో తెగ చక్కర్లు కొడుతోంది.
నందమూరి బాలకృష్ణ కెరీర్లోనే ఎంతో ప్రతిష్టాత్మకంగా రూపొందుతోన్న ఈ సినిమాకు 'మోనార్క్' అనే టైటిల్ ఫిక్స్ చేస్తున్నట్లు కొద్ది రోజులుగా వార్తలు వస్తున్నాయి. అయితే, తాజా సమాచారం ప్రకారం.. ఈ టైటిల్ విషయంలో చిత్ర యూనిట్ యూటర్న్ తీసుకుందట. ఇందులో భాగంగానే దీనికి 'ధర్మ' అనే పవర్ఫుల్ టైటిల్ను పెట్టాలని భావిస్తున్నట్లు తెలుస్తోంది. ఇప్పటికే ఈ టైటిల్ను నిర్మాత మిర్యాల రవీందర్ రెడ్డి ఫిలిం ఛాంబర్లో రిజిస్టర్ చేయించాడని తెలుస్తోంది. అంతేకాదు, దీనికి సంబంధించిన అధికారిక ప్రకటన కూడా అతి త్వరలోనే రాబోతుందనే టాక్ వినిపిస్తోంది.
రెండు భారీ హిట్ల తర్వాత వస్తోన్న ఈ సినిమాను మిర్యాల రవీందర్ రెడ్డి నిర్మిస్తున్నాడు. ప్రగ్యా జైస్వాల్ హీరోయిన్గా చేస్తుండగా.. సామ్నా ఖాసీం అలియాస్ పూర్ణ మరో లీడ్గా చేస్తోంది. ఇక, ఇందులో నందమూరి బాలకృష్ణ అఘోరా పాత్రలో నటిస్తున్నాడని జోరుగా ప్రచారం జరుగుతోంది. అలాగే, పవర్ఫుల్ రైతు పాత్రలోనూ ఆయన కనిపించనున్నాడు. ఎస్ ఎస్ థమన్ సంగీతం అందిస్తున్నాడు. ఈ సినిమాను నందమూరి తారక రామారావు జయంతి సందర్భంగా మే 28న ప్రేక్షకుల ముందుకు తీసుకు రాబోతున్నట్లు చిత్ర యూనిట్ ఇప్పటికే ప్రకటించింది.