Don't Miss!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఆ సినిమాపై దిల్ రాజు అసంతృప్తి.. రషెస్ చూసి రీషూట్ చేయాలని చెప్పేశాడట.!
తెలుగు సినీ ఇండస్ట్రీలో ప్రస్తుతం ఉన్న స్టార్ ప్రొడ్యూసర్లలో దిల్ రాజు ఒకరు. మొదట్లో డిస్ట్రిబ్యూటర్గా వ్యవహరించడం వల్ల ఈయనకు సినిమాల పట్ల పూర్తి అవగాహన ఉంటుంది. అందుకే ప్రతి సినిమానూ చక్కగా జడ్జ్మెంట్ చేయగలరు. ఈ కారణంగానే ఆయన స్టార్ ప్రొడ్యూసర్గా ఎదిగిపోయారు. ప్రస్తుతం ఆయన చేతిలో ఎన్నో సినిమాలు నిర్మితమవుతున్నాయి. వాటిలో బడా చిత్రాలతో పాటు చిన్న సినిమాలు కూడా ఉన్నాయి. ఆయన ఓ సినిమా విషయంలో అసంతృప్తితో ఉన్నారని తాజాగా ఓ వార్త బయటకు వచ్చింది. ఇంతకీ ఏంటా సినిమా? వివరాల్లోకి వెళితే...
సంక్రాంతి సినిమాలు రెండూ ఆయనవే
ప్రస్తుతం షూటింగ్ జరుపుకుంటున్న రెండు భారీ సినిమాల్లో దిల్ రాజు భాగస్వామి అయ్యారు. మహేశ్ - అనిల్ రావిపూడి కాంబోలో వస్తున్న ‘సరిలేరు నీకెవ్వరు'కు సహా నిర్మాతగా వ్యవహరిస్తున్న ఆయన.. అల్లు అర్జున్ - త్రివిక్రమ్ మూవీ ‘అల.. వైకుంఠపురములో' నైజాం ఏరియా రైట్స్ను దక్కించుకున్నారు. ఈ రెండు సినిమాలు ఒకరోజు గ్యాప్లో రానున్నాయి.
హిట్తో ప్రారంభమై ఫ్లాప్తో ముగిసింది
దిల్ రాజు బ్యానర్లో ఈ ఏడాది మూడు సినిమాలు విడుదల అయ్యాయి. వాటిలో వరుణ్ తేజ్, వెంకటేష్ కలిసి నటించిన ‘F2', మహేశ్ - వంశీ పైడిపల్లి కాంబోలో వచ్చిన ‘మహర్షి' సూపర్ హిట్ అయ్యాయి. అలాగే, ఇటీవల విడుదలైన రాజ్ తరుణ్ - షాలినీ పాండే నటించిన ‘ఇద్దరి లోకం ఒకటే' మాత్రం ఫ్లాప్ అయింది. అంటే ఈ ఏడాది హిట్తో ప్రారంభమై ఫ్లాప్తో ముగిసింది.
దర్శకుడిని హీరోగా మార్చేశాడు
టాలీవుడ్ బడా ప్రొడ్యూసర్గా వెలుగొందుతున్న దిల్ రాజు.. మాస్ డైరెక్టర్ వీవీ వినాయక్ను హీరోగా పరిచయం చేస్తున్న విషయం తెలిసిందే. ‘సీనయ్య' అనే టైటిల్తో తెరకెక్కుతున్న ఈ సినిమాను నరసింహా రూపొందిస్తున్నాడు. ఇందులో వినాయక్ సరసన శ్రేయ నటిస్తోంది. ఈ సినిమా కోసం ఆయన ఎంతో స్లిమ్ అవడంతో పాటు లుక్ను పూర్తిగా మార్చేశారు.
తండ్రి, కూతురు సెంటిమెంట్తో
‘సీనయ్య' సినిమా తండ్రి, కూతురు సెంటిమెంట్తో తెరకెక్కుతోందని కొద్ది రోజులుగా ప్రచారం జరుగుతోంది. ఇందులో వినాయక్.. ఓ అమ్మాయికి తండ్రిగా నటిస్తున్నాడట. ఆమెను కొందరు వ్యక్తులు అత్యాచారం చేస్తారని, వాళ్లపై పగ తీర్చుకునే పాత్రలో వినాయక్ నటిస్తున్నాడని తెలుస్తోంది. ఈ సినిమా సోషల్ మెసేజ్తో కూడి ఉంటుందని అంటున్నారు.
ఆ సినిమాపై దిల్ రాజు అసంతృప్తి
ఇటీవల చిత్ర నిర్మాత దిల్ రాజు రషెస్ చూశారని తెలిసింది. వాటిని చూసిన తర్వాత ఆయన అసంతృప్తిగా ఉన్నారని ఇండస్ట్రీలో చర్చ జరుగుతోంది. అంతేకాదు, అందులోని కొన్ని సన్నివేశాలు రీషూట్ చేయాలని వెంటనే దర్శకుడు నరసింహాకు చెప్పినట్లు వార్తలు వస్తున్నాయి. దీంతో ఆయన ఆ సీన్స్ అన్నింటినీ మరోసారి చిత్రీకరించడానికి సన్నాహాలు చేస్తున్నారని టాక్.