ఫస్ట్ కిస్, ఫస్ట్ క్రష్, ఫస్ట్ లవ్ ఎలాగో.. రవితేజ కూడా అంతే : బాబీ కామెంట్స్

చంటిగాడు లోకల్..

ఈ ఈవెంట్‌లో డైరెక్టర్ బాబీ మాట్లాడుతూ.. ‘మాస్ మహారాజ అభిమానులకు నమస్కారం.. ఇండస్ట్రీకి ఎంతో మంది వస్తుంటారు..పోతుంటారు.. చంటిగాడు లోకల్.. ఆ చైర్ అక్కడే ఉంటుంది.. నాక్కూడా అరవాలని ఉంది.. కానీ ఆయన ఇక్కడ లేరు. రైటర్‌గా ఉన్న నన్ను పవర్ అని సినిమా ఇచ్చి నా ఇంటి పేరుగా చేశారు రవితేజ.

ఫస్ట్ క్రష్, ఫస్ట్ లవ్..

ఫస్ట్ క్రష్, ఫస్ట్ లవ్, ఫస్ట్ క్రష్.. ఎలాగైతే గుండెల్లో గుర్తుండిపోతాయో.. రవితేజ కూడా అంతే. నాకు డైరెక్టర్‌గా చాన్స్ ఇచ్చిన రవితేజ గుండెల్లో ఉంటాడు. మాస్ అంటే బస్ పాస్ కాదు ఎవ్వడు పడితేవాడు వాడేసుకోవడానికి... రవితేజ ఎప్పుడు ఇలానే నవ్వుతూ ఉండాలి.. సినిమాలు చేస్తూనే ఉండాలి. దేవుడి గదిలో ఫోటో పెట్టుకునేంత మంచోడు రవితేజ.

రవితేజ మొదటి చాన్స్ ఇచ్చాడు..

చిన్నప్పుడు మనం సైకిల్ తొక్కగలమని నమ్మకం ఉన్నా.. ఎవ్వరూ ఇవ్వరు పాడైపోతుందని.. కానీ రవితేజ నాకు దర్శకుడిగా అవకాశం ఇచ్చాడు.. మనం ఎందరి వెనకో పడతాము.. కానీ ఏదో ఒక్క అమ్మాయే.. వీడు జీవితాంతం బాగా చూసుకుంటాడని మనల్ని నమ్ముతుంది. అలా రవితేజ నమ్మాడు.

తమన్‌కు క్లాస్ పీకారు..

డిస్కోరాజా విషయానికి వస్తే.. ఈ సినిమా పాటలను, టీజర్‌ను తమన్ దగ్గరి నుంచి దొంగతనంగా చూశాను.. ఆగలేక రవితేజకు చెప్పాను.. తమన్‌కు క్లాస్ కూడా పీకారు.. నేల టిక్కెట్ తరువాత రామ్ తాళ్లూరి గారు మళ్లీ రవితేజతో చేయాలని ఇంత కాలం వెయిట్ చేశారు..మీరు సాలిడ్ హిట్ కొట్టబోతోన్నారు.. ఇది చాలా డిఫరెంట్ కాన్సెప్ట్‌లా ఉందని తమన్‌తో అంటే డిఫరెంట్ కాదు వేరే లెవెల్ అని అన్నాడు.. ఈ చిత్రం హిట్ కావాలి.. తమన్ ఇక్కడ లేడు.. 2019ని ఊపేశావు.. 2020 కూడా నీదే బ్రదర్'అంటూ ముగించాడు.