Don't Miss!
- News ఉరేయాలన్న బొత్స తండ్రి సమానుడా ? వైఎస్ నూ వదల్లేదుగా- జగన్ కు షర్మిల కౌంటర్..!
- Sports ఒక్కసారి కమిటైతే నా మాట నేనే వినను- కమిన్స్ Video
- Travel ఐఆర్సిటీసి వారి హైదరాబాద్ టు అహ్మదాబాద్ 8 రోజుల ట్రైన్ టూర్ ప్యాకేజీ...
- Finance Gold Bonds: గోల్డ్ బాండ్స్ ప్రీమెచూర్ ధర ప్రకటించిన ఆర్బీఐ.. పూర్తి వివరాలివే..
- Automobiles సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
నిర్మాతగా మారిన హరీష్ శంకర్.. తొలి సినిమా అవకాశం ఎవరికో తెలుసా?
ప్రముఖ దర్శకుడు హరీష్ శంకర్ తన కెరీర్లో సరికొత్త పాత్రలో కనిపించబోతున్నారు. ఇప్పటి వరకు దర్శకుడి బ్లాక్బస్టర్ సినిమాలను తెలుగు ప్రేక్షకులకు అందించిన హరీష్ ఇప్పుడు నిర్మాతగా కొత్త అవతారంలో కనిపించనున్నారు. ప్రేక్షకుల అభిరుచి మారుతున్న నేపథ్యంలో కాన్సెప్ట్ బేస్డ్ సినిమాలను రూపొందించాలనే లక్ష్యంతో నిర్మాతగా మారినట్టు సమాచారం.
దర్శకుడిగా సినిమాలు తెరకెక్కిస్తూనే మంచి కథాంశాలతో సినిమాలు రూపొందించాలని నిర్ణయించుకొన్నారు. ఈ మేరకు టాలీవుడ్లో మరో నిర్మాత మహేష్ కోనేరుతో కలిసి సంయుక్తంగా సినిమాలు నిర్మించే లక్ష్యంతో అడుగులు వేస్తున్నారు.
నిర్మాతగా మారిన తర్వాత దర్శకుడు హరీష్ కుమార్ ప్రణీత్ అనే యువ దర్శకుడితో తొలి మూవీని నిర్మించనున్నట్టు సమాచారం. గతంలో నిహారిక కొణిదెల నటించిన సూర్యకాంతం అనే సినిమాతో ప్రణీత్ దర్శకుడిగా పరిచయమైన సంగతి తెలిసిందే. సూర్యకాంతం సినిమాకు ముందు నాన్న కూచీ అనే వెబ్ సిరీస్కు దర్శకత్వం వహించారు.
క్రైం, కామెడీ అంశాలు కలిసి ఉన్న కథ ఇటీవల హరీష్, మహేష్ కోనేరుకు వినిపించగా వారు సంతృప్తి చెంది సినిమాను రూపొందించడానికి ముందుకు వచ్చినట్టు తెలిసింది. త్వరలోనే ఈ సినిమాకు సంబంధించిన అధికారిక ప్రకటన చేసి.. నటీనటులు, సాంకేతిక నిపుణుల వివరాలు వెల్లడించేందుకు ప్లాన్ చేస్తున్నట్టు సమాచారం.
ఇక దర్శకుడిగా హరీష్ శంకర్ త్వరలోనే పవన్ కల్యాణ్తో ఓ మూవీని, అలాగే ప్రముఖ నిర్మాత రూపొందించే మరో సినిమాకు దర్శకత్వ బాధ్యతలు చేపట్టనున్నారు.