రూమర్లు నమ్మకండి.. ప్రచారం చేయొద్దు.. ప్రభాస్ మూవీపై మారుతి క్లారిటీ..

గాసిప్స్‌ను నమ్మకండి

ప్రస్తుతం పక్కా కమర్షియల్ సినిమాపైనే మా ఫోకస్ ఉంది. ఈ సినిమా రిలీజ్ తర్వాత తదుపరి ప్రాజెక్టు గురించి నేనే స్వయంగా ప్రకటిస్తాను. అప్పటి వరకు ఎలాంటి గాసిప్స్‌కు తావివ్వవద్దు. ఆ రెండు సినిమాల గురించి నేనే క్లియర్‌గా చెబుతాను. అప్పటి వరకు దయచేసి నా రిక్వెస్ట్‌ను పరిగణనలోకి తీసుకోండి అని మారుతి అన్నారు.

హారర్ కామెడీ అనే ప్రచారం

అయితే ప్రభాస్‌తో రూపొందించే సినిమా రాజా డిలక్స్ అనే టైటిల్‌ ప్రస్తుతం మీడియాలో ప్రచారం జరుగుతున్నది. ఈ చిత్రం హారర్ కామెడీగా రూపొందుతుంది. ప్రభాస్ కెరీర్‌లోని ఇది ప్రత్యేకంగా ఉంటుందనే విషయం మీడియాలో ప్రచారం అవుతున్నది.

మెగాస్టార్ చిరంజీవి క్లారిటీ

ఇక ఇదిలా ఉండగా, గీతా ఆర్ట్స్, యూవీ క్రియేషన్ బ్యానర్‌లో చిరంజీవితో సినిమా ఉండబోతున్నదనే విషయం పక్కా కమర్షియల్ ప్రీ రిలీజ్ ఈవెంట్‌లో స్పష్టమైంది. ఈ సినిమా గురించి స్వయంగా మెగాస్టార్ చిరంజీవి ప్రీ రిలీజ్ ఈవెంట్‌లో వెల్లడించారు. చిరంజీవి మాట్లాడుతూ.. ప్రస్తుతం ఈ సినిమాపై, చేయబోయే సినిమాపై ఫోకస్ పెట్టండి. మన సినిమా గురించి తర్వాత మాట్లాడుకొందాం అని అనడం విశేషంగా మారింది.

కథను బట్టి రేంజ్ ఉంటుందని

చిరంజీవి, ప్రభాస్ సినిమాల గురించి మాట్లాడుతూ.. తాను పెద్ద హీరోలతో సినిమా చేసినా.. ఆ తర్వాత నా జోనర్‌లోనే సినిమాలు చేస్తాను. కథను బట్టి సినిమా రేంజ్ ఉంటుందే కానీ.. హీరోలను దృష్టిలో పెట్టుకొని సినిమాలు చేయను అని మారుతి అన్నారు. నా తరహాలోనే ప్రేక్షకులను ఆకట్టుకొనే ప్రయత్నం చేస్తాను అని మారుతి తెలిపారు.